Sher on Aasman

yuuñ jo taktā hai āsmān ko tū

koī rahtā hai āsmān meñ kyā

yun jo takta hai aasman ko tu

koi rahta hai aasman mein kya

uqābī ruuh jab bedār hotī hai javānoñ meñ

nazar aatī hai un ko apnī manzil āsmānoñ meñ

uqabi ruh jab bedar hoti hai jawanon mein

nazar aati hai un ko apni manzil aasmanon mein

kabhī to āsmāñ se chāñd utre jaam ho jaa.e

tumhāre naam kī ik ḳhūb-sūrat shaam ho jaa.e

kabhi to aasman se chand utre jam ho jae

tumhaare nam ki ek KHub-surat sham ho jae

ai āsmān tere ḳhudā kā nahīñ hai ḳhauf

Darte haiñ ai zamīn tire aadmī se ham

ai aasman tere KHuda ka nahin hai KHauf

Darte hain ai zamin tere aadmi se hum

zamīn jab bhī huī karbalā hamāre liye

to āsmān se utrā ḳhudā hamāre liye

zamin jab bhi hui karbala hamare liye

to aasman se utra KHuda hamare liye

jitnī baTnī thī baT chukī ye zamīñ

ab to bas āsmān baaqī hai

jitni baTni thi baT chuki ye zamin

ab to bas aasman baqi hai

zarra samajh ke yuuñ na milā mujh ko ḳhaak meñ

ai āsmān maiñ bhī kabhī āftāb thā

zarra samajh ke yun na mila mujh ko KHak mein

ai aasman main bhi kabhi aaftab tha

āsmāñ apne irādoñ meñ magan hai lekin

aadmī apne ḳhayālāt liye phirtā hai

aasman apne iradon mein magan hai lekin

aadmi apne KHayalat liye phirta hai

ham kisī ko gavāh kyā karte

is khule āsmān ke aage

hum kisi ko gawah kya karte

is khule aasman ke aage

Dartā huuñ āsmān se bijlī na gir paḌe

sayyād kī nigāh sū-e-āshiyāñ nahīñ

Darta hun aasman se bijli na gir paDe

sayyaad ki nigah su-e-ashiyan nahin

rafāqatoñ kā mirī us ko dhyān kitnā thā

zamīn le lī magar āsmān chhoḌ gayā

rafaqaton ka meri us ko dhyan kitna tha

zamin le li magar aasman chhoD gaya

āsmān par jā pahuñchūñ

allāh terā naam likhūñ

aasman par ja pahunchun

allah tera nam likhun

āsmāñ ek sulagtā huā sahrā hai jahāñ

DhūñDhtā phirtā hai ḳhud apnā hī saayā sūraj

aasman ek sulagta hua sahra hai jahan

DhunDhta phirta hai KHud apna hi saya suraj

vo so rahā hai ḳhudā duur āsmānoñ meñ

farishte loriyāñ gaate haiñ us ke kānoñ meñ

wo so raha hai KHuda dur aasmanon mein

farishte loriyan gate hain us ke kanon mein

zamīn kī kokh hī zaḳhmī nahīñ andheroñ se

hai āsmāñ ke bhī siine pe āftāb kā zaḳhm

zamin ki kokh hi zaKHmi nahin andheron se

hai aasman ke bhi sine pe aaftab ka zaKHm

'zafar' zamīñ-zād the zamīñ se hī kaam rakkhā

jo āsmānī the āsmānoñ meñ rah ga.e haiñ

'zafar' zamin-zad the zamin se hi kaam rakkha

jo aasmani the aasmanon mein rah gae hain

agar hai insān kā muqaddar ḳhud apnī miTTī kā rizq honā

to phir zamīñ par ye āsmāñ kā vajūd kis qahr ke liye hai

agar hai insan ka muqaddar KHud apni miTTi ka rizq hona

to phir zamin par ye aasman ka wajud kis qahr ke liye hai

giregī kal bhī yahī dhuup aur yahī shabnam

is āsmāñ se nahīñ aur kuchh utarne kā

giregi kal bhi yahi dhup aur yahi shabnam

is aasman se nahin aur kuchh utarne ka

badle hue se lagte haiñ ab mausamoñ ke rañg

paḌtā hai āsmān kā saayā zamīn par

badle hue se lagte hain ab mausamon ke rang

paDta hai aasman ka saya zamin par

rut badlī to zamīñ ke chehre kā ġhāza bhī badlā

rañg magar ḳhud āsmān ne badle kaise kaise

rut badli to zamin ke chehre ka ghaza bhi badla

rang magar KHud aasman ne badle kaise kaise

hazār rāste badle hazār svāñg rache

magar hai raqs meñ sar par ik āsmān vahī

hazar raste badle hazar swang rache

magar hai raqs mein sar par ek aasman wahi

taras rahī thiiñ ye āñkheñ kisī kī sūrat ko

so ham bhī dasht meñ āb-e-ravāñ uThā laa.e

taras rahi thin ye aankhen kisi ki surat ko

so hum bhi dasht mein aab-e-rawan uTha lae

mirī zamīn pe phailā hai āsmān-e-adam

azal se mere zamāne pe ik zamāna hai

meri zamin pe phaila hai aasman-e-adam

azal se mere zamane pe ek zamana hai

uTThī haiñ merī ḳhaak se āfāt sab kī sab

nāzil huī na koī balā āsmān se

uTThi hain meri KHak se aafat sab ki sab

nazil hui na koi bala aasman se