shikwa-e-gardish-e-haalat liye phirta hai
shikva-e-gardish-e-hālāt liye phirtā hai
jis ko dekho vo yahī baat liye phirtā hai
us ne paikar meñ na Dhalne kī qasam khaa.ī hai
aur mujhe shauq-e-mulāqāt liye phirtā hai
shāḳhcha TuuT chukā kab kā shajar se lekin
ab bhī kuchh sūkhe hue paat liye phirtā hai
sochiye jism hai ab ruuh se kaise rūThe
apne saa.e ko bhī jo saat liye phirtā hai
āsmāñ apne irādoñ meñ magan hai lekin
aadmī apne ḳhayālāt liye phirtā hai
partav-e-mahr se hai chāñd kī jhilmil 'anvar'
apne kaase meñ ye ḳhairāt liye phirtā hai
shikwa-e-gardish-e-haalat liye phirta hai
jis ko dekho wo yahi baat liye phirta hai
us ne paikar mein na Dhalne ki qasam khai hai
aur mujhe shauq-e-mulaqat liye phirta hai
shaKHcha TuT chuka kab ka shajar se lekin
ab bhi kuchh sukhe hue pat liye phirta hai
sochiye jism hai ab ruh se kaise ruThe
apne sae ko bhi jo sat liye phirta hai
aasman apne iradon mein magan hai lekin
aadmi apne KHayalat liye phirta hai
partaw-e-mahr se hai chand ki jhilmil 'anwar'
apne kase mein ye KHairaat liye phirta hai
Source:
ik daraicha ik chirag (Pg. 87)
- Author: ANWAR MASOOD
-
- Edition: 2008
- Publisher: Dost Publications
- Year of Publication: 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
