aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zamin jab bhi hui karbala hamare liye

Obaidullah Aleem

zamin jab bhi hui karbala hamare liye

Obaidullah Aleem

MORE BYObaidullah Aleem

    zamīn jab bhī huī karbalā hamāre liye

    to āsmān se utrā ḳhudā hamāre liye

    unheñ ġhurūr ki rakhte haiñ tāqat o kasrat

    hameñ ye naaz bahut hai ḳhudā hamāre liye

    tumhāre naam pe jis aag meñ jalā.e ga.e

    vo aag phuul hai vo kīmiyā hamāre liye

    bas ek lau meñ usī lau ke gird ghūmte haiñ

    jalā rakhā hai jo us ne diyā hamāre liye

    vo jis pe raat sitāre liye utartī hai

    vo ek shaḳhs duā duā hamāre liye

    vo nuur nuur damaktā huā ik chehrā

    vo ā.inoñ meñ hayā hayā hamāre liye

    darūd paḌhte hue us diid ko nikleñ

    to sub.h phuul bichhā.e sabā hamāre liye

    ajiib kaifiyat-e-jazb-o-hāl rakhtī hai

    tumhāre shahr āb-o-havā hamāre liye

    diye jalā.e hue saath saath rahtī hai

    tumhārī yaad tumhārī duā hamāre liye

    zamīn hai na zamāñ niiñd hai na be-dārī

    vo chhāñv chhāñv ik silsila hamāre liye

    suḳhan-varoñ meñ kahīñ ek ham bhī the lekin

    suḳhan aur thā zā.iqa hamāre liye

    zamin jab bhi hui karbala hamare liye

    to aasman se utra KHuda hamare liye

    unhen ghurur ki rakhte hain taqat o kasrat

    hamein ye naz bahut hai KHuda hamare liye

    tumhaare nam pe jis aag mein jalae gae

    wo aag phul hai wo kimiya hamare liye

    bas ek lau mein usi lau ke gird ghumte hain

    jala rakha hai jo us ne diya hamare liye

    wo jis pe raat sitare liye utarti hai

    wo ek shaKHs dua hi dua hamare liye

    wo nur nur damakta hua sa ek chehra

    wo aainon mein haya hi haya hamare liye

    darud paDhte hue us ki did ko niklen

    to subh phul bichhae saba hamare liye

    ajib kaifiyat-e-jazb-o-haal rakhti hai

    tumhaare shahr ki aab-o-hawa hamare liye

    diye jalae hue sath sath rahti hai

    tumhaari yaad tumhaari dua hamare liye

    zamin hai na zaman nind hai na be-dari

    wo chhanw chhanw sa ek silsila hamare liye

    suKHan-waron mein kahin ek hum bhi the lekin

    suKHan ka aur hi tha zaiqa hamare liye

    Source:

    Veeran sarai ka diya (Pg. 145)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now