dekh rahā thā jaate jaate hasrat se

soch rahā hogā maiñ us ko rokūñgā

dekh raha tha jate jate hasrat se

soch raha hoga main us ko rokunga

vo so rahā hai ḳhudā duur āsmānoñ meñ

farishte loriyāñ gaate haiñ us ke kānoñ meñ

wo so raha hai KHuda dur aasmanon mein

farishte loriyan gate hain us ke kanon mein

maiñ bhī tālāb kā Thahrā huā paanī thā kabhī

ek patthar ne ravāñ dhaar kiyā hai mujh ko

main bhi talab ka Thahra hua pani tha kabhi

ek patthar ne rawan dhaar kiya hai mujh ko

maiñ terī chaah meñ jhūTā havas meñ sachchā huuñ

burā samajh le magar dūsroñ se achchhā huuñ

main teri chah mein jhuTa hawas mein sachcha hun

bura samajh le magar dusron se achchha hun

aap sāgar haiñ to sairāb kareñ pyāse ko

aap bādal haiñ to mujh dasht pe saayā kiije

aap sagar hain to sairab karen pyase ko

aap baadal hain to mujh dasht pe saya kije