TuT kar der talak pyar kiya hai mujhko

TuuT kar der talak pyaar kiyā hai mujh ko

aaj to is ne hī sarshār kiyā hai mujh ko

vo mahaktā huā jhoñkā thā ki neze kī anī

chhū ke guzrā hai to ḳhūñ-bār kiyā hai mujh ko

maiñ bhī tālāb kā Thahrā huā paanī thā kabhī

ek patthar ne ravāñ dhaar kiyā hai mujh ko

mujh se ab us kā taḌapnā nahīñ dekhā jaatā

jis ne chaltī huī talvār kiyā hai mujh ko

maiñ bulandī se use dekh rahā huuñ 'nashtar'

jis ne pastī kā gunahgār kiyā hai mujh ko

TuT kar der talak pyar kiya hai mujh ko

aaj to is ne hi sarshaar kiya hai mujh ko

wo mahakta hua jhonka tha ki neze ki ani

chhu ke guzra hai to KHun-bar kiya hai mujh ko

main bhi talab ka Thahra hua pani tha kabhi

ek patthar ne rawan dhaar kiya hai mujh ko

mujh se ab us ka taDapna nahin dekha jata

jis ne chalti hui talwar kiya hai mujh ko

main bulandi se use dekh raha hun 'nashtar'

jis ne pasti ka gunahgar kiya hai mujh ko