Sher of Salim Saleem
apne jaisī koī tasvīr banānī thī mujhe
mire andar se sabhī rañg tumhāre nikle
apne jaisi koi taswir banani thi mujhe
mere andar se sabhi rang tumhaare nikle
bhare bāzār meñ baiThā huuñ liye jins-e-vajūd
shart ye hai ki mirī ḳhaak kī qīmat dī jaa.e
bhare bazar mein baiTha hun liye jins-e-wajud
shart ye hai ki meri KHak ki qimat di jae
-
Share this
- See Ghazal
- Critique
- Comments
- Download
chaTaḳh ke TuuT ga.ī hai to ban ga.ī āvāz
jo mere siine meñ ik roz ḳhāmushī huī thī
chaTaKH ke TuT gai hai to ban gai aawaz
jo mere sine mein ek roz KHamushi hui thi
maiñ ghaTtā jā rahā huuñ apne andar
tumheñ itnā ziyāda kar liyā hai
main ghaTta ja raha hun apne andar
tumhein itna ziyaada kar liya hai
-
Tag : Love
-
Share this
- See Ghazal
- Critique
- Comments
- Download
ik barf sī jamī rahe dīvār-o-bām par
ik aag mere kamre ke andar lagī rahe
ek barf si jami rahe diwar-o-baam par
ek aag mere kamre ke andar lagi rahe
ye kaisī aag hai mujh meñ ki ek muddat se
tamāsha dekh rahā huuñ maiñ apne jalne kā
ye kaisi aag hai mujh mein ki ek muddat se
tamasha dekh raha hun main apne jalne ka
-
Share this
- See Ghazal
- Critique
- Comments
- Download
vo duur thā to bahut hasrateñ thiiñ paane kī
vo mil gayā hai to jī chāhtā hai khone ko
wo dur tha to bahut hasraten thin pane ki
wo mil gaya hai to ji chahta hai khone ko
-
Share this
- See Ghazal
- Critique
- Comments
- Download
zindagī ne jo kahīñ kā nahīñ rakkhā mujh ko
ab mujhe zid hai ki barbād kiyā jaa.e use
zindagi ne jo kahin ka nahin rakkha mujh ko
ab mujhe zid hai ki barbaad kiya jae use
-
Share this
- See Ghazal
- Critique
- Comments
- Download
tumhārī aag meñ ḳhud ko jalāyā thā jo ik shab
abhī tak mere kamre meñ dhuāñ phailā huā hai
tumhaari aag mein KHud ko jalaya tha jo ek shab
abhi tak mere kamre mein dhuan phaila hua hai
-
Share this
- See Ghazal
- Critique
- Comments
- Download
taras rahī thiiñ ye āñkheñ kisī kī sūrat ko
so ham bhī dasht meñ āb-e-ravāñ uThā laa.e
taras rahi thin ye aankhen kisi ki surat ko
so hum bhi dasht mein aab-e-rawan uTha lae
aa rahā hogā vo dāman se havā bāñdhe hue
aaj ḳhushbū ko pareshān kiyā jā.egā
aa raha hoga wo daman se hawa bandhe hue
aaj KHushbu ko pareshan kiya jaega
-
Share this
- See Ghazal
- Critique
- Comments
- Download
kaisā hangāma bapā hai ki mire shahr ke log
ḳhāmushī DhūñDhne ġhāroñ kī taraf jaate hue
kaisa hangama bapa hai ki mere shahr ke log
KHamushi DhunDhne ghaaron ki taraf jate hue
raas aatī nahīñ ab mere lahū ko koī ḳhaak
aisā is jism kā pāband-e-salāsil huā maiñ
ras aati nahin ab mere lahu ko koi KHak
aisa is jism ka paband-e-salasil hua main
-
Tag : Jism
-
Share this
- See Ghazal
- Critique
- Comments
- Download
kitnā mushkil ho gayā huuñ hijr meñ us ke so vo
mere paas aa.egā aur āsān kar degā mujhe
kitna mushkil ho gaya hun hijr mein us ke so wo
mere pas aaega aur aasan kar dega mujhe
-
Share this
- See Ghazal
- Critique
- Comments
- Download
merī miTTī meñ koī aag sī lag jaatī hai
jo bhaḌaktī hai tire chhiḌke hue paanī se
meri miTTi mein koi aag si lag jati hai
jo bhaDakti hai tere chhiDke hue pani se
-
Share this
- See Ghazal
- Critique
- Comments
- Download
hijr ke din to hue ḳhatm baḌī dhuum ke saath
vasl kī raat hai kyuuñ marsiya-ḳhvānī kareñ ham
hijr ke din to hue KHatm baDi dhum ke sath
wasl ki raat hai kyun marsiya-KHwani karen hum
-
Share this
- See Ghazal
- Critique
- Comments
- Download
kyā ho gayā ki baiTh ga.ī ḳhaak bhī mirī
kyā baat hai ki apne hī uupar khaḌā huuñ maiñ
kya ho gaya ki baiTh gai KHak bhi meri
kya baat hai ki apne hi upar khaDa hun main
-
Share this
- See Ghazal
- Critique
- Comments
- Download
tamām bichhḌe huoñ ko milāo aaj kī raat
tamām kho.e huoñ ko ishārā kar ke laao
tamam bichhDe huon ko milao aaj ki raat
tamam khoe huon ko ishaara kar ke lao
-
Share this
- See Ghazal
- Critique
- Comments
- Download
ab is ke baad kuchh bhī nahīñ iḳhtiyār meñ
vo jabr thā ki ḳhud ko ḳhudā kar chuke haiñ ham
ab is ke baad kuchh bhi nahin iKHtiyar mein
wo jabr tha ki KHud ko KHuda kar chuke hain hum
-
Share this
- See Ghazal
- Critique
- Comments
- Download
maiñ aap apne andheroñ meñ baiTh jaatā huuñ
phir is ke baad koī shai chamaktī rahtī hai
main aap apne andheron mein baiTh jata hun
phir is ke baad koi shai chamakti rahti hai
-
Share this
- See Ghazal
- Critique
- Comments
- Download
charāġh-e-ishq badan se lagā thā kuchh aisā
maiñ bujh ke rah gayā us ko havā banāne meñ
charagh-e-ishq badan se laga tha kuchh aisa
main bujh ke rah gaya us ko hawa banane mein
-
Share this
- See Ghazal
- Critique
- Comments
- Download
kahkashā.eñ mirī miTTī kī taraf aatī huiiñ
mire zarrāt sitāroñ kī taraf jaate hue
kahkashaen meri miTTi ki taraf aati huin
mere zarraat sitaron ki taraf jate hue
-
Share this
- See Ghazal
- Critique
- Comments
- Download
na jaane kaisī girānī uThā.e phirtā huuñ
na jaane kyā mire kāñdhe pe sar sā rahtā hai
na jaane kaisi girani uThae phirta hun
na jaane kya mere kandhe pe sar sa rahta hai
-
Share this
- See Ghazal
- Critique
- Comments
- Download
TūTte bartan kā shor aur gūñgī bahrī ḳhāmushī
ham ne rakh lī hai bachā kar ek gahrī ḳhāmushī
TuTte bartan ka shor aur gungi bahri KHamushi
hum ne rakh li hai bacha kar ek gahri KHamushi
bujhā rakhe haiñ ye kis ne sabhī charāġh-e-havas
zarā sā jhāñk ke dekheñ kahīñ havā hī na ho
bujha rakhe hain ye kis ne sabhi charagh-e-hawas
zara sa jhank ke dekhen kahin hawa hi na ho
-
Share this
- See Ghazal
- Critique
- Comments
- Download
juz hamāre kaun āḳhir dekhtā is kaam ko
ruuh ke andar koī kār-e-badan hotā huā
juz hamare kaun aaKHir dekhta is kaam ko
ruh ke andar koi kar-e-badan hota hua
-
Share this
- See Ghazal
- Critique
- Comments
- Download
thake hue se badan ko liTā ke bistar par
ham apne aap se laḌte haiñ niiñd aane tak
thake hue se badan ko liTa ke bistar par
hum apne aap se laDte hain nind aane tak
jo ek dam meñ tamām rūhoñ ko ḳhaak kar de
badan se uḌtā huā ik aisā sharār dekhūñ
jo ek dam mein tamam ruhon ko KHak kar de
badan se uDta hua ek aisa sharar dekhun
-
Share this
- See Ghazal
- Critique
- Comments
- Download
sameTne meñ lage haiñ ham apnī sāñsoñ ko
ye jānte haiñ ki ik din bikher degā koī
sameTne mein lage hain hum apni sanson ko
ye jaante hain ki ek din bikher dega koi
shāyad kuchh majbūrī baḌhtī jaatī hai
tujh se merī duurī baḌhtī jaatī hai
shayad kuchh majburi baDhti jati hai
tujh se meri duri baDhti jati hai
so gayā vaqt kī dahlīz pe sar rakkhe hue
maiñ kahāñ tak safar-e-ishq meñ tanhā jaatā
so gaya waqt ki dahliz pe sar rakkhe hue
main kahan tak safar-e-ishq mein tanha jata
ye āñkheñ sūkhī paḌī haiñ lahū se nam kar luuñ
jo tum kaho to zarā sā tumhārā ġham kar luuñ
ye aankhen sukhi paDi hain lahu se nam kar lun
jo tum kaho to zara sa tumhaara gham kar lun
'ishq karnā bahut zarūrī hai
tum mohabbat ko 'ishq kahte ho
'ishq karna bahut zaruri hai
tum mohabbat ko 'ishq kahte ho
kisī aur dar ke nishān merī jabīñ pe haiñ
tū bahut dinoñ se mirā ḳhudā nahīñ ho rahā
kisi aur dar ke nishan meri jabin pe hain
tu bahut dinon se mera KHuda nahin ho raha
dekhnā tā'bīr meñ har sub.h ko sahrā kī pyaas
raat ko phir apne ḳhvāboñ meñ samundar dekhnā
dekhna ta'bir mein har subh ko sahra ki pyas
raat ko phir apne KHwabon mein samundar dekhna
bhed bhare is paanī meñ
Duub gayā hairānī meñ
bhed bhare is pani mein
Dub gaya hairani mein
tai kar liyā hai maiñ ne sarāboñ bharā safar
ai dasht ab mujhe mirā in.aam chāhiye
tai kar liya hai main ne sarabon bhara safar
ai dasht ab mujhe mera inam chahiye
sunā hai chāñd ko uljhā liyā hai shāḳhoñ ne
so ab charāġh darīchoñ pe rakh diye jaa.eñ
suna hai chand ko uljha liya hai shaKHon ne
so ab charagh darichon pe rakh diye jaen
aur kab tak zindagī kī nāz-bardārī kareñ
dosto aao chalo marne kī tayyārī kareñ
aur kab tak zindagi ki naz-bardari karen
dosto aao chalo marne ki tayyari karen
kitne bekār ḳhudāoñ kī ibādat kī hai
āḳhirī baar kisī but se shikāyat kī hai
kitne bekar KHudaon ki ibaadat ki hai
aaKHiri bar kisi but se shikayat ki hai
maiñ zaḳhm-e-dar-badarī khā ke lauT aa.uuñ jab
mire jale hue siine pe haat rakh denā
main zaKHm-e-dar-badari kha ke lauT aaun jab
mere jale hue sine pe hat rakh dena
ye jism utrā huā hai merā ki ruuh se ḳhud ko Dhāñpnā hai
koī na aa.e zarā yahāñ par abhī maiñ kapḌe badal rahā huuñ
ye jism utra hua hai mera ki ruh se KHud ko Dhanpna hai
koi na aae zara yahan par abhi main kapDe badal raha hun
bas ek chīḳh sī ubhregī ḳhāna-e-dil se
phir is ke baa'd mirī ḳhāmushī sunegā koī
bas ek chiKH si ubhregi KHana-e-dil se
phir is ke ba'd meri KHamushi sunega koi
ek zamāna Thahrā huā hai
merī naql-e-makānī meñ
ek zamana Thahra hua hai
meri naql-e-makani mein
ḳhud apne aap ko vaise bhī DhūñDhnā hogā
sadā.eñ de ke mujhe yuuñ bhī chhup rahegā koī
KHud apne aap ko waise bhi DhunDhna hoga
sadaen de ke mujhe yun bhi chhup rahega koi
is dil meñ chubhā rahtā thā kāñTe kī tarah vo
ik roz use maiñ ne mohabbat se nikālā
is dil mein chubha rahta tha kanTe ki tarah wo
ek roz use main ne mohabbat se nikala
maiñ āsmān-o-zamīñ ke jhagḌe meñ yūñhī be-vaj.h paḌ gayā thā
koī bulātā hai paas apne kisī ke hamrāh chal rahā huuñ
main aasman-o-zamin ke jhagDe mein yunhi be-wajh paD gaya tha
koi bulata hai pas apne kisi ke hamrah chal raha hun
mujhī se hue ye raste tamām jaate haiñ us ke dar tak
maiñ aa rahā huuñ usī ke dar par ki apne andar nikal rahā huuñ
mujhi se hue ye raste tamam jate hain us ke dar tak
main aa raha hun usi ke dar par ki apne andar nikal raha hun
kitnī āñkheñ dar-o-dīvār se chipkī huī haiñ
rāsta bhūle hue shaḳhs kabhī ghar bhī to aa
kitni aankhen dar-o-diwar se chipki hui hain
rasta bhule hue shaKHs kabhi ghar bhi to aa
jo huī sub.h to dekhe na.e qadmoñ ke nishāñ
aaj hī raat ko lauTe the safar se apne
jo hui subh to dekhe nae qadmon ke nishan
aaj hi raat ko lauTe the safar se apne