mire laboñ kā tabassum to sab ne dekh liyā

jo dil pe biit rahī hai vo koī kyā jaane

mere labon ka tabassum to sab ne dekh liya

jo dil pe bit rahi hai wo koi kya jaane

koī samjhā.e ye kyā rang hai maiḳhāne kā

aañkh saaqī kī uThe naam ho paimāne kā

koi samjhae ye kya rang hai maiKHane ka

aankh saqi ki uThe nam ho paimane ka

chashm-e-sāqī mujhe har gaam pe yaad aatī hai

rāstā bhuul na jā.ūñ kahīñ maiḳhāne kā

chashm-e-saqi mujhe har gam pe yaad aati hai

rasta bhul na jaun kahin maiKHane ka

kaun jaane ki ik tabassum se

kitne mafhūm-e-ġham nikalte haiñ

kaun jaane ki ek tabassum se

kitne mafhum-e-gham nikalte hain

'iqbāl' hamārā josh-e-talab kyā jaane kidhar le jā.egā

nikle haiñ talāsh-e-manzil meñ aur rāhguzar mā'lūm nahīñ

'iqbaal' hamara josh-e-talab kya jaane kidhar le jaega

nikle hain talash-e-manzil mein aur rahguzar ma'lum nahin

dekh kar bhī unheñ na dekh sake

rah gayā shauq-e-intizār apnā

dekh kar bhi unhen na dekh sake

rah gaya shauq-e-intizar apna

'ismat-e-tauba ko Thukrāne kā mausam aa gayā

aa gayā pī kar bahak jaane kā mausam aa gayā

'ismat-e-tauba ko Thukrane ka mausam aa gaya

aa gaya pi kar bahak jaane ka mausam aa gaya

ek andāz-e-tabassum meñ hai gum saarā chaman

ye ḳhabar kis ko kalī kī jaan kis mushkil meñ hai

ek andaz-e-tabassum mein hai gum sara chaman

ye KHabar kis ko kali ki jaan kis mushkil mein hai

ye be-ḳhudī-e-nazar hai ki intihā.ī talab

tire hī saath liye terā intizār chale

ye be-KHudi-e-nazar hai ki intihai talab

tere hi sath liye tera intizar chale

ek dhokā hai faqat us kī rafāqat kyā hai

jo mire dil meñ rahe aur mujhe jaane bhī nahīñ

ek dhoka hai faqat us ki rafaqat kya hai

jo mere dil mein rahe aur mujhe jaane bhi nahin

dar-e-mahbūb hai apnā to kinārā 'iqbāl'

be-sahārā hue to Duub ke jaanā hogā

dar-e-mahbub hai apna to kinara 'iqbaal'

be-sahaara hue to Dub ke jaana hoga

jām-o-mīnā meñ phuul khilne lage

uḌ ke pohñchā kahāñ tabassum bhī

jam-o-mina mein phul khilne lage

uD ke pohncha kahan tabassum bhi

kis qadar badlā huā hai ab nizām-e-mai-kada

is se pahle chhū nahīñ sakte the paimāne ko ham

kis qadar badla hua hai ab nizam-e-mai-kada

is se pahle chhu nahin sakte the paimane ko hum

'ajīb kū-e-raqābat hai kū-e-jānāñ bhī

hamārā saaya bhī dīvār-o-dar ne luuT liyā

'ajib ku-e-raqabat hai ku-e-jaanan bhi

hamara saya bhi diwar-o-dar ne luT liya

lā.iq-e-pursish na the lekin chalā jab daur-e-jām

vāqif-e-ādāb-e-mai-ḳhāna hamīñ maane ga.e

laiq-e-pursish na the lekin chala jab daur-e-jam

waqif-e-adab-e-mai-KHana hamin mane gae

itnā qarīb vo ki rag-e-jāñ se bhī qarīb

yā duur is qadar ki ḳhayāl-o-gumāñ se duur

itna qarib wo ki rag-e-jaan se bhi qarib

ya dur is qadar ki KHayal-o-guman se dur

un kī anjuman bhī hai daar bhī rasan bhī hai

dekhnā hai dīvāne ab kahāñ Thaharte haiñ

un ki anjuman bhi hai dar bhi rasan bhi hai

dekhna hai diwane ab kahan Thaharte hain

kis qadar badlā huā hai ab nizām-e-mai-kada

is se pahle chhū nahīñ sakte the paimāne ko ham

kis qadar badla hua hai ab nizam-e-mai-kada

is se pahle chhu nahin sakte the paimane ko hum

kam-nigāhī se mirī samt sar-e-bazm na dekh

silsila TuuT na jaa.e kahīñ afsāne kā

kam-nigahi se meri samt sar-e-bazm na dekh

silsila TuT na jae kahin afsane ka

kabhī be-bāt shikāyat kabhī be-vaj.h sukūt

vo to bas tark-e-mohabbat kā bahāna chāhe

kabhi be-baat shikayat kabhi be-wajh sukut

wo to bas tark-e-mohabbat ka bahana chahe

kam-nigāhī se mirī samt sar-e-bazm na dekh

silsila TuuT na jaa.e kahīñ afsāne kā

kam-nigahi se meri samt sar-e-bazm na dekh

silsila TuT na jae kahin afsane ka

ham ko tajdīd-e-mulāqāt se kab hai inkār

lekin ab pahle unheñ haath baḌhānā hogā

hum ko tajdid-e-mulaqat se kab hai inkar

lekin ab pahle unhen hath baDhana hoga

kahīñ be-tark-e-kudūrat bhī mile haiñ do dil

dar banānā hai to dīvār ko Dhānā hogā

kahin be-tark-e-kudurat bhi mile hain do dil

dar banana hai to diwar ko Dhana hoga

haath ulajhne lage jeb-o-dastāñ se kyuuñ

ai junūñ kyā bahāroñ ke din aa ga.e

hath ulajhne lage jeb-o-dastan se kyun

ai junun kya bahaaron ke din aa gae

yārān-e-safar haiñ tez-qadam ai kashmakash-e-dil kyā hogā

ruktā huuñ to bichhḌā jaatā huuñ chaltā huuñ to chalnā mushkil hai

yaran-e-safar hain tez-qadam ai kashmakash-e-dil kya hoga

rukta hun to bichhDa jata hun chalta hun to chalna mushkil hai

mumkin ho to ik lamhe ko zarā taklīf-e-tabassum kar liije

ham meñ se abhī tak kitnoñ ko mafhūm-e-sahar mā'lūm nahīñ

mumkin ho to ek lamhe ko zara taklif-e-tabassum kar lije

hum mein se abhi tak kitnon ko mafhum-e-sahar ma'lum nahin