Sher on Junoon

aadhā daanā aadhā pāgal na.iiñ na.iiñ na.iiñ

us ko paanā hai to puurā pāgal ban

aadha dana aadha pagal nain nain nain

us ko pana hai to pura pagal ban

ik dhamā-chaukḌī hai siine meñ

ye kahīñ be-lagām dil to nahīñ

ek dhama-chaukDi hai sine mein

ye kahin be-lagam dil to nahin

lagtā hai shahroñ meñ junūñ ke mausam ab nahīñ aate

ham to sahrā meñ baiThe haiñ dhuup kā farsh bichhā.e

lagta hai shahron mein junun ke mausam ab nahin aate

hum to sahra mein baiThe hain dhup ka farsh bichhae

sūliyāñ nasb rahīñ qaht-e-junūñ hai bhī to kyā

kuchh na kuchh ab bhī nikal ā.eñge gardan vaale

suliyan nasb rahin qaht-e-junun hai bhi to kya

kuchh na kuchh ab bhi nikal aaenge gardan wale

ahl-e-junūñ kī aahaT sun kar dasht-e-vafā bechain huā

har har goshe se pichhlī zanjīroñ kī jhankār uThī

ahl-e-junun ki aahaT sun kar dasht-e-wafa bechain hua

har har goshe se pichhli zanjiron ki jhankar uThi

savāl ye hai ki dasht-e-badan kā kyā hogā

agar junūñ kā parinda qafas meñ aayā na.iiñ

sawal ye hai ki dasht-e-badan ka kya hoga

agar junun ka parinda qafas mein aaya nain

haath ulajhne lage jeb-o-dastāñ se kyuuñ

ai junūñ kyā bahāroñ ke din aa ga.e

hath ulajhne lage jeb-o-dastan se kyun

ai junun kya bahaaron ke din aa gae

gayā na koī mire baa'd kū-e-qātil tak

taras gayā kaf-e-qātil rag-e-gulū ke liye

gaya na koi mere ba'd ku-e-qatil tak

taras gaya kaf-e-qatil rag-e-gulu ke liye