Sher of Asghar Gondvi
chalā jaatā huuñ hañstā kheltā mauj-e-havādis se
agar āsāniyāñ hoñ zindagī dushvār ho jaa.e
I go laughing playing with waves of adversity
If life were to be easy, unbearable it would be
chala jata hun hansta khelta mauj-e-hawadis se
agar aasaniyan hon zindagi dushwar ho jae
I go laughing playing with waves of adversity
If life were to be easy, unbearable it would be
-
Tag : Motivational
-
Share this
- Translation
- See Ghazal
- Critique
- Comments
- Download
pahlī nazar bhī aap kī uff kis balā kī thī
ham aaj tak vo choT haiñ dil par liye hue
pahli nazar bhi aap ki uff kis bala ki thi
hum aaj tak wo choT hain dil par liye hue
-
Tag : Nigaah
-
Share this
- See Ghazal
- Critique
- Comments
- Download
zāhid ne mirā hāsil-e-īmāñ nahīñ dekhā
ruḳh par tirī zulfoñ ko pareshāñ nahīñ dekhā
the priest has seen my piety, he hasn't seen your grace
he has not seen your tresses strewn across your face
zahid ne mera hasil-e-iman nahin dekha
ruKH par teri zulfon ko pareshan nahin dekha
the priest has seen my piety, he hasn't seen your grace
he has not seen your tresses strewn across your face
-
Tag : Zulf
-
Share this
- Translation
- See Ghazal
- Critique
- Comments
- Download
ek aisī bhī tajallī aaj mai-ḳhāne meñ hai
lutf piine meñ nahīñ hai balki kho jaane meñ hai
ek aisi bhi tajalli aaj mai-KHane mein hai
lutf pine mein nahin hai balki kho jaane mein hai
-
Tag : Maikada
-
Share this
- See Ghazal
- Critique
- Comments
- Download
aks kis chiiz kā ā.īna-e-hairat meñ nahīñ
terī sūrat meñ hai kyā jo merī sūrat meñ nahīñ
aks kis chiz ka aaina-e-hairat mein nahin
teri surat mein hai kya jo meri surat mein nahin
-
Share this
- See Ghazal
- Critique
- Comments
- Download
yuuñ muskurā.e jaan sī kaliyoñ meñ paḌ ga.ī
yuuñ lab-kushā hue ki gulistāñ banā diyā
yun muskurae jaan si kaliyon mein paD gai
yun lab-kusha hue ki gulistan bana diya
-
Tag : Muskurahat
-
Share this
- See Ghazal
- Critique
- Comments
- Download
jiinā bhī aa gayā mujhe marnā bhī aa gayā
pahchānñe lagā huuñ tumhārī nazar ko maiñ
jina bhi aa gaya mujhe marna bhi aa gaya
pahchanne laga hun tumhaari nazar ko main
-
Share this
- See Ghazal
- Critique
- Comments
- Download
aalam se be-ḳhabar bhī huuñ aalam meñ bhī huuñ maiñ
saaqī ne is maqām ko āsāñ banā diyā
aalam se be-KHabar bhi hun aalam mein bhi hun main
saqi ne is maqam ko aasan bana diya
hotā hai rāz-e-ishq-o-mohabbat inhīñ se faash
āñkheñ zabāñ nahīñ haiñ magar be-zabāñ nahīñ
hota hai raaz-e-ishq-o-mohabbat inhin se fash
aankhen zaban nahin hain magar be-zaban nahin
ik adā ik hijāb ik shoḳhī
nīchī nazroñ meñ kyā nahīñ hotā
all, shyness, mischief and coquetry
in her lowered glance, are there to see
ek ada ek hijab ek shoKHi
nichi nazron mein kya nahin hota
all, shyness, mischief and coquetry
in her lowered glance, are there to see
-
Share this
- Translation
- Critique
- Comments
- Download
vo naġhma bulbul-e-rañgīñ-navā ik baar ho jaa.e
kalī kī aañkh khul jaa.e chaman bedār ho jaa.e
wo naghma bulbul-e-rangin-nawa ek bar ho jae
kali ki aankh khul jae chaman bedar ho jae
-
Tag : Bedaar
-
Share this
- See Ghazal
- Critique
- Comments
- Download
banā letā hai mauj-e-ḳhūn-e-dil se ik chaman apnā
vo pāband-e-qafas jo fitratan āzād hotā hai
bana leta hai mauj-e-KHun-e-dil se ek chaman apna
wo paband-e-qafas jo fitratan aazad hota hai
-
Tag : Hausla
-
Share this
- See Ghazal
- Critique
- Comments
- Download
mā.il-e-sher-o-ġhazal phir hai tabī.at 'asġhar'
abhī kuchh aur muqaddar meñ hai rusvā honā
mail-e-sher-o-ghazal phir hai tabiat 'asghar'
abhi kuchh aur muqaddar mein hai ruswa hona
-
Share this
- See Ghazal
- Critique
- Comments
- Download
suntā huuñ baḌe ġhaur se afsāna-e-hastī
kuchh ḳhvāb hai kuchh asl hai kuchh tarz-e-adā hai
sunta hun baDe ghaur se afsana-e-hasti
kuchh KHwab hai kuchh asl hai kuchh tarz-e-ada hai
riñd jo zarf uThā leñ vahī sāġhar ban jaa.e
jis jagah baiTh ke pī leñ vahī mai-ḳhāna bane
rind jo zarf uTha len wahi saghar ban jae
jis jagah baiTh ke pi len wahi mai-KHana bane
chhuT jaa.e agar dāman-e-kaunain to kyā ġham
lekin na chhuTe haath se dāmān-e-mohammad
chhuT jae agar daman-e-kaunain to kya gham
lekin na chhuTe hath se daman-e-mohammad
nahīñ dair o haram se kaam ham ulfat ke bande haiñ
vahī ka.aba hai apnā aarzū dil kī jahāñ nikle
nahin dair o haram se kaam hum ulfat ke bande hain
wahi kaba hai apna aarzu dil ki jahan nikle
-
Tag : Dair-o-Haram
zulf thī jo bikhar ga.ī ruḳh thā ki jo nikhar gayā
haa.e vo shaam ab kahāñ haa.e vo ab sahar kahāñ
zulf thi jo bikhar gai ruKH tha ki jo nikhar gaya
hae wo sham ab kahan hae wo ab sahar kahan
-
Tag : Waqt
-
Share this
- See Ghazal
- Critique
- Comments
- Download
mujh se jo chāhiye vo dars-e-basīrat liije
maiñ ḳhud āvāz huuñ merī koī āvāz nahīñ
mujh se jo chahiye wo dars-e-basirat lije
main KHud aawaz hun meri koi aawaz nahin
sau baar tirā dāman hāthoñ meñ mire aayā
jab aañkh khulī dekhā apnā hī garebāñ thā
sau bar tera daman hathon mein mere aaya
jab aankh khuli dekha apna hi gareban tha
allāh-re chashm-e-yār kī mojiz-bayāniyāñ
har ik ko hai gumāñ ki muḳhātab hamīñ rahe
allah-re chashm-e-yar ki mojiz-bayaniyan
har ek ko hai guman ki muKHatab hamin rahe
-
Share this
- See Ghazal
- Critique
- Comments
- Download
ye bhī fareb se haiñ kuchh dard āshiqī ke
ham mar ke kyā kareñge kyā kar liyā hai jī ke
ye bhi fareb se hain kuchh dard aashiqi ke
hum mar ke kya karenge kya kar liya hai ji ke
'asġhar' ġhazal meñ chāhiye vo mauj-e-zindagī
jo husn hai butoñ meñ jo mastī sharāb meñ
'asghar' ghazal mein chahiye wo mauj-e-zindagi
jo husn hai buton mein jo masti sharab mein
maiñ kyā kahūñ kahāñ hai mohabbat kahāñ nahīñ
rag rag meñ dauḌī phirtī hai nashtar liye hue
main kya kahun kahan hai mohabbat kahan nahin
rag rag mein dauDi phirti hai nashtar liye hue
-
Share this
- See Ghazal
- Critique
- Comments
- Download
ye āstān-e-yār hai sehn-e-haram nahīñ
jab rakh diyā hai sar to uThānā na chāhiye
ye aastan-e-yar hai sehn-e-haram nahin
jab rakh diya hai sar to uThana na chahiye
-
Share this
- See Ghazal
- Critique
- Comments
- Download
hal kar liyā majāz haqīqat ke raaz ko
paa.ī hai maiñ ne ḳhvāb kī ta.abīr ḳhvāb meñ
hal kar liya majaz haqiqat ke raaz ko
pai hai main ne KHwab ki tabir KHwab mein
log marte bhī haiñ jiite bhī haiñ betāb bhī haiñ
kaun sā sehr tirī chashm-e-ināyat meñ nahīñ
log marte bhi hain jite bhi hain betab bhi hain
kaun sa sehr teri chashm-e-inayat mein nahin
-
Tag : Zindagi
-
Share this
- See Ghazal
- Critique
- Comments
- Download
niyāz-e-ishq ko samjhā hai kyā ai vā.iz-e-nādān
hazāroñ ban ga.e ka.abe jabīñ maiñ ne jahāñ rakh dī
o foolish priest the offering of love you do not know
a thousand mosques did appear wherever I did bow
niyaz-e-ishq ko samjha hai kya ai waiz-e-nadan
hazaron ban gae kabe jabin main ne jahan rakh di
o foolish priest the offering of love you do not know
a thousand mosques did appear wherever I did bow
-
Share this
- Translation
- See Ghazal
- Critique
- Comments
- Download
maiñ kāmyāb-e-dīd bhī mahrūm-e-dīd bhī
jalvoñ ke izhdihām ne hairāñ banā diyā
main kaamyab-e-did bhi mahrum-e-did bhi
jalwon ke izhdiham ne hairan bana diya
-
Tag : Deedar
-
Share this
- See Ghazal
- Critique
- Comments
- Download
dāstāñ un kī adāoñ kī hai rañgīñ lekin
is meñ kuchh ḳhūn-e-tamannā bhī hai shāmil apnā
dastan un ki adaon ki hai rangin lekin
is mein kuchh KHun-e-tamanna bhi hai shamil apna
'asġhar' harīm-e-ishq meñ hastī hī jurm hai
rakhnā kabhī na paañv yahāñ sar liye hue
'asghar' harim-e-ishq mein hasti hi jurm hai
rakhna kabhi na panw yahan sar liye hue
-
Share this
- See Ghazal
- Critique
- Comments
- Download
ham us nigāh-e-nāz ko samjhe the neshtar
tum ne to muskurā ke rag-e-jāñ banā diyā
hum us nigah-e-naz ko samjhe the neshtar
tum ne to muskura ke rag-e-jaan bana diya
-
Share this
- See Ghazal
- Critique
- Comments
- Download
ālām-e-rozgār ko āsāñ banā diyā
jo ġham huā use ġham-e-jānāñ banā diyā
aalam-e-rozgar ko aasan bana diya
jo gham hua use gham-e-jaanan bana diya
-
Share this
- See Ghazal
- Critique
- Comments
- Download
'asġhar' se mile lekin 'asġhar' ko nahīñ dekhā
ash.ār meñ sunte haiñ kuchh kuchh vo numāyāñ hai
'asghar' se mile lekin 'asghar' ko nahin dekha
ashaar mein sunte hain kuchh kuchh wo numayan hai
-
Share this
- See Ghazal
- Critique
- Comments
- Download
āriz-e-nāzuk pe un ke rañg sā kuchh aa gayā
in guloñ ko chheḌ kar ham ne gulistāñ kar diyā
aariz-e-nazuk pe un ke rang sa kuchh aa gaya
in gulon ko chheD kar hum ne gulistan kar diya
-
Share this
- See Ghazal
- Critique
- Comments
- Download
mujh ko ḳhabar rahī na ruḳh-e-be-naqāb kī
hai ḳhud numūd husn meñ shān-e-hijāb kī
mujh ko KHabar rahi na ruKH-e-be-naqab ki
hai KHud numud husn mein shan-e-hijab ki
vo shorisheñ nizām-e-jahāñ jin ke dam se hai
jab muḳhtasar kiyā unheñ insāñ banā diyā
wo shorishen nizam-e-jahan jin ke dam se hai
jab muKHtasar kiya unhen insan bana diya
-
Share this
- See Ghazal
- Critique
- Comments
- Download
lazzat-e-sajda-hā-e-shauq na pūchh
haa.e vo ittisāl-e-nāz-o-niyāz
lazzat-e-sajda-ha-e-shauq na puchh
hae wo ittisal-e-naz-o-niyaz
-
Share this
- See Ghazal
- Critique
- Comments
- Download
be-mahābā ho agar husn to vo baat kahāñ
chhup ke jis shaan se hotā hai numāyāñ koī
be-mahaba ho agar husn to wo baat kahan
chhup ke jis shan se hota hai numayan koi
qahr hai thoḌī sī bhī ġhaflat tarīq-e-ishq meñ
aañkh jhapkī qais kī aur sāmne mahmil na thā
qahr hai thoDi si bhi ghaflat tariq-e-ishq mein
aankh jhapki qais ki aur samne mahmil na tha
-
Share this
- See Ghazal
- Critique
- Comments
- Download
yahāñ kotāhī-e-zauq-e-amal hai ḳhud giraftārī
jahāñ baazū simaTte haiñ vahīñ sayyād hotā hai
yahan kotahi-e-zauq-e-amal hai KHud giraftari
jahan bazu simaTte hain wahin sayyaad hota hai
rūdād-e-chaman suntā huuñ is tarah qafas meñ
jaise kabhī āñkhoñ se gulistāñ nahīñ dekhā
rudad-e-chaman sunta hun is tarah qafas mein
jaise kabhi aankhon se gulistan nahin dekha
-
Share this
- See Ghazal
- Critique
- Comments
- Download
mirī vahshat pe bahs-ārā.iyāñ achchhī nahīñ zāhid
bahut se bāñdh rakkhe haiñ garebāñ maiñ ne dāman meñ
meri wahshat pe bahs-araiyan achchhi nahin zahid
bahut se bandh rakkhe hain gareban main ne daman mein
kyā mastiyāñ chaman meñ haiñ josh-e-bahār se
har shāḳh-e-gul hai haath meñ sāġhar liye hue
kya mastiyan chaman mein hain josh-e-bahaar se
har shaKH-e-gul hai hath mein saghar liye hue
-
Share this
- See Ghazal
- Critique
- Comments
- Download
kuchh milte haiñ ab puḳhtagi-e-ishq ke āsār
nāloñ meñ rasā.ī hai na aahoñ meñ asar hai
kuchh milte hain ab puKHtagi-e-ishq ke aasar
nalon mein rasai hai na aahon mein asar hai
-
Share this
- See Ghazal
- Critique
- Comments
- Download
us jalva-gāh-e-husn meñ chhāyā hai har taraf
aisā hijāb chashm-e-tamāshā kaheñ jise
us jalwa-gah-e-husn mein chhaya hai har taraf
aisa hijab chashm-e-tamasha kahen jise
-
Share this
- See Ghazal
- Critique
- Comments
- Download
kyā kyā haiñ dard-e-ishq kī fitna-tarāziyāñ
ham iltifāt-e-ḳhās se bhī bad-gumāñ rahe
kya kya hain dard-e-ishq ki fitna-taraaziyan
hum iltifat-e-KHas se bhi bad-guman rahe
-
Share this
- See Ghazal
- Critique
- Comments
- Download
bistar-e-ḳhāk pe baiThā huuñ na mastī hai na hosh
zarre sab sākit-o-sāmit haiñ sitāre ḳhāmosh
bistar-e-KHak pe baiTha hun na masti hai na hosh
zarre sab sakit-o-samit hain sitare KHamosh
ye ishq ne dekhā hai ye aql se pinhāñ hai
qatre meñ samundar hai zarre meñ bayābāñ hai
TRANSLATION
What is obscured from the mind, love could witness,
In a droplet there is an ocean, in a speck, wilderness.
Sagar Akbarabadi
ye ishq ne dekha hai ye aql se pinhan hai
qatre mein samundar hai zarre mein bayaban hai
TRANSLATION
What is obscured from the mind, love could witness,
In a droplet there is an ocean, in a speck, wilderness.
Sagar Akbarabadi
-
Share this
- See Ghazal
- Critique
- Comments
- Download
ai shaiḳh vo basīt haqīqat hai kufr kī
kuchh qaid-e-rasm ne jise īmāñ banā diyā
ai shaiKH wo basit haqiqat hai kufr ki
kuchh qaid-e-rasm ne jise iman bana diya
-
Share this
- See Ghazal
- Critique
- Comments
- Download