ملنا تھا اتفاق بچھڑنا نصیب تھا

وہ اتنی دور ہو گیا جتنا قریب تھا

کچھ دن سے زندگی مجھے پہچانتی نہیں

یوں دیکھتی ہے جیسے مجھے جانتی نہیں

سچ بات مان لیجئے چہرے پہ دھول ہے

الزام آئنوں پہ لگانا فضول ہے

دفنا دیا گیا مجھے چاندی کی قبر میں

میں جس کو چاہتی تھی وہ لڑکا غریب تھا

ماں مجھے دیکھ کے ناراض نہ ہو جائے کہیں

سر پہ آنچل نہیں ہوتا ہے تو ڈر ہوتا ہے

تجھ کو دنیا کے ساتھ چلنا ہے

تو مرے ساتھ چل نہ پائے گا

انجمؔ تمہارا شہر جدھر ہے اسی طرف

اک ریل جا رہی تھی کہ تم یاد آ گئے

تم کو بھلا رہی تھی کہ تم یاد آ گئے

میں زہر کھا رہی تھی کہ تم یاد گئے

کل شام چھت پہ میر تقی میرؔ کی غزل

میں گنگنا رہی تھی کہ تم یاد آ گئے

کل میری ایک پیاری سہیلی کتاب میں

اک خط چھپا رہی تھی کہ تم یاد آ گئے