Top 20 Couplets on Tasweer

terī sūrat se kisī kī nahīñ miltī sūrat

ham jahāñ meñ tirī tasvīr liye phirte haiñ

teri surat se kisi ki nahin milti surat

hum jahan mein teri taswir liye phirte hain

tire jamāl kī tasvīr khīñch duuñ lekin

zabāñ meñ aañkh nahīñ aañkh meñ zabān nahīñ

tere jamal ki taswir khinch dun lekin

zaban mein aankh nahin aankh mein zaban nahin

aap ne tasvīr bhejī maiñ ne dekhī ġhaur se

har adā achchhī ḳhamoshī kī adā achchhī nahīñ

aap ne taswir bheji main ne dekhi ghaur se

har ada achchhi KHamoshi ki ada achchhi nahin

zindagī bhar ke liye ruuTh ke jaane vaale

maiñ abhī tak tirī tasvīr liye baiThā huuñ

zindagi bhar ke liye ruTh ke jaane wale

main abhi tak teri taswir liye baiTha hun

chup-chāp suntī rahtī hai pahroñ shab-e-firāq

tasvīr-e-yār ko hai mirī guftugū pasand

chup-chap sunti rahti hai pahron shab-e-firaq

taswir-e-yar ko hai meri guftugu pasand

jo chup-chāp rahtī thī dīvār par

vo tasvīr bāteñ banāne lagī

jo chup-chap rahti thi diwar par

wo taswir baaten banane lagi

mujh ko aksar udaas kartī hai

ek tasvīr muskurātī huī

mujh ko aksar udas karti hai

ek taswir muskuraati hui

bhej dī tasvīr apnī un ko ye likh kar 'shakīl'

aap kī marzī hai chāhe jis nazar se dekhiye

bhej di taswir apni un ko ye likh kar 'shakil'

aap ki marzi hai chahe jis nazar se dekhiye

kuchh to is dil ko sazā dī jaa.e

us kī tasvīr haTā dī jaa.e

kuchh to is dil ko saza di jae

us ki taswir haTa di jae

maiñ ne to yūñhī raakh meñ pherī thiiñ uñgliyāñ

dekhā jo ġhaur se tirī tasvīr ban ga.ī

main ne to yunhi rakh mein pheri thin ungliyan

dekha jo ghaur se teri taswir ban gai

jis se ye tabī.at baḌī mushkil se lagī thī

dekhā to vo tasvīr har ik dil se lagī thī

jis se ye tabiat baDi mushkil se lagi thi

dekha to wo taswir har ek dil se lagi thi

muddatoñ baad uThā.e the purāne kāġhaz

saath tere mirī tasvīr nikal aa.ī hai

muddaton baad uThae the purane kaghaz

sath tere meri taswir nikal aai hai

dil ke ā.īne meñ hai tasvīr-e-yār

jab zarā gardan jhukā.ī dekh lī

dil ke aaine mein hai taswir-e-yar

jab zara gardan jhukai dekh li

maiñ ne bhī dekhne kī had kar dī

vo bhī tasvīr se nikal aayā

main ne bhi dekhne ki had kar di

wo bhi taswir se nikal aaya

kah rahī hai ye tirī tasvīr bhī

maiñ kisī se bolne vaalī nahīñ

kah rahi hai ye teri taswir bhi

main kisi se bolne wali nahin

lagtā hai ka.ī rātoñ kā jaagā thā musavvir

tasvīr kī āñkhoñ se thakan jhāñk rahī hai

lagta hai kai raaton ka jaga tha musawwir

taswir ki aankhon se thakan jhank rahi hai

aatā thā jis ko dekh ke tasvīr kā ḳhayāl

ab to vo kiil bhī mirī dīvār meñ nahīñ

aata tha jis ko dekh ke taswir ka KHayal

ab to wo kil bhi meri diwar mein nahin

sūrat-e-vasl nikaltī kisī tadbīr ke saath

merī tasvīr hī khiñchtī tirī tasvīr ke saath

surat-e-wasl nikalti kisi tadbir ke sath

meri taswir hi khinchti teri taswir ke sath

tirī tasvīr to va.ade ke din khiñchne ke qābil hai

ki sharmā.ī huī āñkheñ haiñ ghabrāyā huā dil hai

teri taswir to wade ke din khinchne ke qabil hai

ki sharmai hui aankhen hain ghabraya hua dil hai