Sher of Nooh Narvi
adā aa.ī jafā aa.ī ġhurūr aayā hijāb aayā
hazāroñ āfateñ le kar hasīnoñ par shabāb aayā
ada aai jafa aai ghurur aaya hijab aaya
hazaron aafaten le kar hasinon par shabab aaya
ham intizār kareñ ham ko itnī taab nahīñ
pilā do tum hameñ paanī agar sharāb nahīñ
hum intizar karen hum ko itni tab nahin
pila do tum hamein pani agar sharab nahin
sunte rahe haiñ aap ke ausāf sab se ham
milne kā aap se kabhī mauqa.a nahīñ milā
sunte rahe hain aap ke ausaf sab se hum
milne ka aap se kabhi mauqa nahin mila
milnā jo na ho tum ko to kah do na mileñge
ye kyā kabhī parsoñ hai kabhī kal hai kabhī aaj
milna jo na ho tum ko to kah do na milenge
ye kya kabhi parson hai kabhi kal hai kabhi aaj
-
Tag : Mulaqat
-
Share this
- See Ghazal
- Critique
- Comments
- Download
ishq meñ kuchh nazar nahīñ aayā
jis taraf dekhiye añdherā hai
ishq mein kuchh nazar nahin aaya
jis taraf dekhiye andhera hai
vo ḳhudā.ī kar rahe the jab ḳhudā hone se qabl
to ḳhudā jaane kareñge kyā ḳhudā hone ke ba.ad
wo KHudai kar rahe the jab KHuda hone se qabl
to KHuda jaane karenge kya KHuda hone ke baad
dostī ko burā samajhte haiñ
kyā samajh hai vo kyā samajhte haiñ
dosti ko bura samajhte hain
kya samajh hai wo kya samajhte hain
ḳhudā ke Dar se ham tum ko ḳhudā to kah nahīñ sakte
magar lutf-e-ḳhudā qahr-e-ḳhudā shān-e-ḳhudā tum ho
For fear of God, to you cannot, ascribe divinity
but joy divine, wrath divine, glory divine you be
KHuda ke Dar se hum tum ko KHuda to kah nahin sakte
magar lutf-e-KHuda qahr-e-KHuda shan-e-KHuda tum ho
For fear of God, to you cannot, ascribe divinity
but joy divine, wrath divine, glory divine you be
-
Tag : Husn
-
Share this
- Translation
- Critique
- Comments
- Download
kahīñ na un kī nazar se nazar kisī kī laḌe
vo is lihāz se āñkheñ jhukā.e baiThe haiñ
kahin na un ki nazar se nazar kisi ki laDe
wo is lihaz se aankhen jhukae baiThe hain
-
Tag : Eyes
-
Share this
- See Ghazal
- Critique
- Comments
- Download
dil ke do hisse jo kar Daale the husn-o-ishq ne
ek sahrā ban gayā aur ek gulshan ho gayā
dil ke do hisse jo kar Dale the husn-o-ishq ne
ek sahra ban gaya aur ek gulshan ho gaya
mujh ko ye fikr ki dil muft gayā hāthoñ se
un ko ye naaz ki ham ne use chhīnā kaisā
mujh ko ye fikr ki dil muft gaya hathon se
un ko ye naz ki hum ne use chhina kaisa
lailā hai na majnūñ hai na shīrīñ hai na farhād
ab rah ga.e haiñ āshiq o ma.ashūq meñ ham aap
laila hai na majnun hai na shirin hai na farhad
ab rah gae hain aashiq o mashuq mein hum aap
kah rahī hai ye tirī tasvīr bhī
maiñ kisī se bolne vaalī nahīñ
kah rahi hai ye teri taswir bhi
main kisi se bolne wali nahin
-
Tag : Tasweer
-
Share this
- See Ghazal
- Critique
- Comments
- Download
mahfil meñ terī aa ke yuuñ be-ābrū hue
pahle the aap aap se tum tum se tū hue
mahfil mein teri aa ke yun be-abru hue
pahle the aap aap se tum tum se tu hue
barsoñ rahe haiñ aap hamārī nigāh meñ
ye kyā kahā ki ham tumheñ pahchānte nahīñ
barson rahe hain aap hamari nigah mein
ye kya kaha ki hum tumhein pahchante nahin
jab zikr kiyā maiñ ne kabhī vasl kā un se
vo kahne lage paak mohabbat hai baḌī chiiz
jab zikr kiya main ne kabhi wasl ka un se
wo kahne lage pak mohabbat hai baDi chiz
-
Tag : Visaal
-
Share this
- See Ghazal
- Critique
- Comments
- Download
na milo khul ke to chorī kī mulāqāt rahe
ham bulā.eñge tumheñ raat ga.e raat rahe
na milo khul ke to chori ki mulaqat rahe
hum bulaenge tumhein raat gae raat rahe
dil nazr karo zulm saho naaz uThāo
ai ahl-e-tamannā ye haiñ arkān-e-tamannā
dil nazr karo zulm saho naz uThao
ai ahl-e-tamanna ye hain arkan-e-tamanna
jo vaqt jā.egā vo palaT kar na aa.egā
din raat chāhiye sahar-o-shām kā lihāz
jo waqt jaega wo palaT kar na aaega
din raat chahiye sahar-o-sham ka lihaz
ashkoñ ke Tapakne par tasdīq huī us kī
be-shak vo nahīñ uThte āñkhoñ se jo girte haiñ
ashkon ke Tapakne par tasdiq hui us ki
be-shak wo nahin uThte aankhon se jo girte hain
kambaḳht kabhī jī se guzarne nahīñ detī
jiine kī tamannā mujhe marne nahīñ detī
kambaKHt kabhi ji se guzarne nahin deti
jine ki tamanna mujhe marne nahin deti
un se sab haal daġhābāz kahe dete haiñ
mere hamrāz mirā raaz kahe dete haiñ
un se sab haal daghabaz kahe dete hain
mere hamraaz mera raaz kahe dete hain
achchhe bure ko vo abhī pahchānte nahīñ
kamsin haiñ bhole-bhāle haiñ kuchh jānte nahīñ
achchhe bure ko wo abhi pahchante nahin
kamsin hain bhole-bhaale hain kuchh jaante nahin
aaj ā.eñge kal ā.eñge kal ā.eñge aaj ā.eñge
muddat se yahī vo kahte haiñ muddat se yahī ham sunte haiñ
aaj aaenge kal aaenge kal aaenge aaj aaenge
muddat se yahi wo kahte hain muddat se yahi hum sunte hain
-
Share this
- See Ghazal
- Critique
- Comments
- Download
vo haath meñ talvār liye sar pe khaḌe haiñ
marne nahīñ detī mujhe marne kī ḳhushī aaj
wo hath mein talwar liye sar pe khaDe hain
marne nahin deti mujhe marne ki KHushi aaj
-
Share this
- See Ghazal
- Critique
- Comments
- Download
be-vaj.h mohabbat se nahīñ bol rahe haiñ
vo bātoñ hī bātoñ meñ mujhe khol rahe haiñ
be-wajh mohabbat se nahin bol rahe hain
wo baaton hi baaton mein mujhe khol rahe hain
dil ko tum shauq se le jaao magar yaad rahe
ye na merā na tumhārā na kisī kā hogā
dil ko tum shauq se le jao magar yaad rahe
ye na mera na tumhaara na kisi ka hoga
jigar kī choT uupar se kahīñ ma.alūm hotī hai
jigar kī choT uupar se nahīñ ma.alūm hotī hai
jigar ki choT upar se kahin malum hoti hai
jigar ki choT upar se nahin malum hoti hai
aate aate raah par vo ā.eñge
jaate jaate bad-gumānī jā.egī
aate aate rah par wo aaenge
jate jate bad-gumani jaegi
-
Share this
- See Ghazal
- Critique
- Comments
- Download
ḳhaak ho kar hī ham pahuñch jaate
us taraf kī magar havā bhī nahīñ
KHak ho kar hi hum pahunch jate
us taraf ki magar hawa bhi nahin
saaqī jo dil se chāhe to aa.e vo zamāna
har shaḳhs ho sharābī har ghar sharāb-ḳhāna
saqi jo dil se chahe to aae wo zamana
har shaKHs ho sharabi har ghar sharab-KHana
hameñ isrār milne par tumheñ inkār milne se
na tum maano na ham māneñ na ye kam ho na vo kam ho
hamein israr milne par tumhein inkar milne se
na tum mano na hum manen na ye kam ho na wo kam ho
sharmā ke bigaḌ ke muskurā kar
vo chhup rahe ik jhalak dikhā kar
sharma ke bigaD ke muskura kar
wo chhup rahe ek jhalak dikha kar
un kā va.ada un kā paimāñ un kā iqrār un kā qaul
jitnī bāteñ haiñ hasīnoñ kī vo be-buniyād haiñ
un ka wada un ka paiman un ka iqrar un ka qaul
jitni baaten hain hasinon ki wo be-buniyaad hain
koī yahāñ se chal diyā raunaq-e-bām-o-dar nahīñ
dekh rahā huuñ ghar ko maiñ ghar hai magar vo ghar nahīñ
koi yahan se chal diya raunaq-e-baam-o-dar nahin
dekh raha hun ghar ko main ghar hai magar wo ghar nahin
-
Tag : Judai
-
Share this
- See Ghazal
- Critique
- Comments
- Download
dil unheñ deñge magar ham deñge in shartoñ ke saath
aazmā kar jāñch kar sun kar samajh kar dekh kar
dil unhen denge magar hum denge in sharton ke sath
aazma kar jaanch kar sun kar samajh kar dekh kar
-
Tag : Dil
-
Share this
- See Ghazal
- Critique
- Comments
- Download
vo baat kyā jo aur kī tahrīk se huī
vo kaam kyā jo ġhair kī imdād se huā
wo baat kya jo aur ki tahrik se hui
wo kaam kya jo ghair ki imdad se hua
allāh-re un ke husn kī mojiz-numā.iyāñ
jis baam par vo aa.eñ vahī koh-e-tūr ho
allah-re un ke husn ki mojiz-numaiyan
jis baam par wo aaen wahi koh-e-tur ho
ġhair kā ishq hai ki merā hai
saaf kah do abhī saverā hai
ghair ka ishq hai ki mera hai
saf kah do abhi sawera hai
ai 'nūh' tauba ishq se kar lī thī aap ne
phir tāñk-jhāñk kyuuñ hai ye phir dekh-bhāl kyā
ai 'nuh' tauba ishq se kar li thi aap ne
phir tank-jhank kyun hai ye phir dekh-bhaal kya
nuuh baiThe haiñ chārpā.ī par
chārpā.ī pe nuuh baiThe haiñ
nuh baiThe hain chaarpai par
chaarpai pe nuh baiThe hain
-
Tag : Jumbled words
ye mere paas jo chup-chāp aa.e baiThe haiñ
hazār fitna-e-mahshar uThā.e baiThe haiñ
ye mere pas jo chup-chap aae baiThe hain
hazar fitna-e-mahshar uThae baiThe hain
-
Share this
- See Ghazal
- Critique
- Comments
- Download
bharī mahfil meñ un ko chheḌne kī kyā zarūrat thī
janāb-e-nūh tum sā bhī na koī be-adab hogā
bhari mahfil mein un ko chheDne ki kya zarurat thi
janab-e-nuh tum sa bhi na koi be-adab hoga
pāmāl ho ke bhī na uThā kū-e-yār se
maiñ us galī meñ sāya-e-dīvār ho gayā
pamal ho ke bhi na uTha ku-e-yar se
main us gali mein saya-e-diwar ho gaya
mujh ko nazroñ ke laḌāne se hai kaam
aap ko āñkheñ dikhāne se ġharaz
mujh ko nazron ke laDane se hai kaam
aap ko aankhen dikhane se gharaz
abhī us qayāmat ko maiñ kyā kahūñ
jo guzregī jī se guzarne ke ba.ad
abhi us qayamat ko main kya kahun
jo guzregi ji se guzarne ke baad
asīrān-e-qafas ko vāsta kyā in jhameloñ se
chaman meñ kab ḳhizāñ aa.ī chaman meñ kab bahār aa.ī
asiran-e-qafas ko wasta kya in jhamelon se
chaman mein kab KHizan aai chaman mein kab bahaar aai
-
Share this
- See Ghazal
- Critique
- Comments
- Download
chalo 'nūh' tum ko dikhā laa.eñ tum ne
na mai-ḳhāna dekhā na but-ḳhāna dekhā
chalo 'nuh' tum ko dikha laen tum ne
na mai-KHana dekha na but-KHana dekha
-
Share this
- See Ghazal
- Critique
- Comments
- Download
mausam-e-gul abhī nahīñ aayā
chal diye ghar meñ ham lagā kar aag
mausam-e-gul abhi nahin aaya
chal diye ghar mein hum laga kar aag
-
Share this
- See Ghazal
- Critique
- Comments
- Download
satyanās ho gayā dil kā
ishq ne ḳhuub kī ukhāḌ-pachhāḌ
satyanas ho gaya dil ka
ishq ne KHub ki ukhaD-pachhaD
-
Share this
- See Ghazal
- Critique
- Comments
- Download