Sher on Shokhi
Playfulness is a typical
quality of the beloved and it makes her all the more romantic and appealing. In other words, a beloved without some amount of coquetry or playfulness would not be so romantic. You may like to go through these examples that personify a beloved as one who is now bouncy, now mischievous, now playful, and now full of light wit.
jo kahā maiñ ne ki pyaar aatā hai mujh ko tum par
hañs ke kahne lagā aur aap ko aatā kyā hai
laughing, she inquired when, I said "I love you"
is there anything else at all that you know to do
jo kaha main ne ki pyar aata hai mujh ko tum par
hans ke kahne laga aur aap ko aata kya hai
laughing, she inquired when, I said "I love you"
is there anything else at all that you know to do
faqat nigāh se hotā hai faisla dil kā
na ho nigāh meñ shoḳhī to dilbarī kyā hai
faqat nigah se hota hai faisla dil ka
na ho nigah mein shoKHi to dilbari kya hai
-
Tags : Diland 2 more
saath shoḳhī ke kuchh hijāb bhī hai
is adā kā kahīñ javāb bhī hai
sath shoKHi ke kuchh hijab bhi hai
is ada ka kahin jawab bhi hai
ishva bhī hai shoḳhī bhī tabassum bhī hayā bhī
zālim meñ aur ik baat hai is sab ke sivā bhī
ishwa bhi hai shoKHi bhi tabassum bhi haya bhi
zalim mein aur ek baat hai is sab ke siwa bhi
parda-e-lutf meñ ye zulm-o-sitam kyā kahiye
haa.e zālim tirā andāz-e-karam kyā kahiye
parda-e-lutf mein ye zulm-o-sitam kya kahiye
hae zalim tera andaz-e-karam kya kahiye
shoḳhī se Thahartī nahīñ qātil kī nazar aaj
ye barq-e-balā dekhiye girtī hai kidhar aaj
shoKHi se Thaharti nahin qatil ki nazar aaj
ye barq-e-bala dekhiye girti hai kidhar aaj
kahā maiñ ne martā huuñ tum par to bole
nikalte na dekhā janāza kisī kā
kaha main ne marta hun tum par to bole
nikalte na dekha janaza kisi ka
shoḳhī-e-husn ke nazzāre kī tāqat hai kahāñ
tifl-e-nādāñ huuñ maiñ bijlī se dahal jaatā huuñ
shoKHi-e-husn ke nazzare ki taqat hai kahan
tifl-e-nadan hun main bijli se dahal jata hun
