Sher on Mazdoor

aane vaale jaane vaale har zamāne ke liye

aadmī mazdūr hai rāheñ banāne ke liye

aane wale jaane wale har zamane ke liye

aadmi mazdur hai rahen banane ke liye

ab tak mire a.asāb pe mehnat hai musallat

ab tak mire kānoñ meñ mashīnoñ kī sadā hai

ab tak mere aasab pe mehnat hai musallat

ab tak mere kanon mein mashinon ki sada hai

kitnā buad hai mere fan aur peshe ke mābain

bāhar dānish-var huuñ lekin mill meñ oil-man

kitna buad hai mere fan aur peshe ke mabain

bahar danish-war hun lekin mill mein oil-man

maiñ ki ek mehnat-kash maiñ ki tīrgī-dushman

sub.h-e-nau ibārat hai mere muskurāne se

main ki ek mehnat-kash main ki tirgi-dushman

subh-e-nau ibarat hai mere muskurane se

farishte aa kar un ke jism par ḳhushbū lagāte haiñ

vo bachche rail ke Dibboñ meñ jo jhāḌū lagāte haiñ

farishte aa kar un ke jism par KHushbu lagate hain

wo bachche rail ke Dibbon mein jo jhaDu lagate hain

duniyā merī zindagī ke din kam kartī jaatī hai kyuuñ

ḳhuun pasīna ek kiyā hai ye merī mazdūrī hai

duniya meri zindagi ke din kam karti jati hai kyun

KHun pasina ek kiya hai ye meri mazduri hai

saroñ pe oḌh ke mazdūr dhuup kī chādar

ḳhud apne sar pe use sā.ebāñ samajhne lage

saron pe oDh ke mazdur dhup ki chadar

KHud apne sar pe use saeban samajhne lage

logoñ ne ārām kiyā aur chhuTTī puurī kī

yakum may ko bhī mazdūroñ ne mazdūrī kī

logon ne aaram kiya aur chhuTTi puri ki

yakum may ko bhi mazduron ne mazduri ki

so jaate haiñ fōtpath pe aḳhbār bichhā kar

mazdūr kabhī niiñd kī golī nahīñ khāte

so jate hain footpath pe aKHbar bichha kar

mazdur kabhi nind ki goli nahin khate

ta.amīr-o-taraqqī vaale haiñ kahiye bhī to un ko kyā kahiye

jo shīsh-mahal meñ baiThe hue mazdūr kī bāteñ karte haiñ

tamir-o-taraqqi wale hain kahiye bhi to un ko kya kahiye

jo shish-mahal mein baiThe hue mazdur ki baaten karte hain

pasīna merī mehnat kā mire māthe pe raushan thā

chamak la.al-o-javāhar kī mirī Thokar pe rakkhī thī

pasina meri mehnat ka mere mathe pe raushan tha

chamak lal-o-jawahar ki meri Thokar pe rakkhi thi

aaj bhī 'siprā' us kī ḳhushbū mill mālik le jaatā hai

maiñ lohe kī naaf se paidā jo kastūrī kartā huuñ

aaj bhi 'sipra' us ki KHushbu mill malik le jata hai

main lohe ki naf se paida jo kasturi karta hun

is liye sab se alag hai mirī ḳhushbū 'āmī'

mushk-e-mazdūr pasīne meñ liye phirtā huuñ

is liye sab se alag hai meri KHushbu 'ami'

mushk-e-mazdur pasine mein liye phirta hun

peḌ ke nīche zarā sī chhāñv jo us ko milī

so gayā mazdūr tan par boriyā oḌhe hue

peD ke niche zara si chhanw jo us ko mili

so gaya mazdur tan par boriya oDhe hue

maiñ ne 'anvar' is liye bāñdhī kalā.ī par ghaḌī

vaqt pūchheñge ka.ī mazdūr bhī raste ke biich

main ne 'anwar' is liye bandhi kalai par ghaDi

waqt puchhenge kai mazdur bhi raste ke bich

tirī zamīn pe kartā rahā huuñ mazdūrī

hai sūkhne ko pasīna muāvza hai kahāñ

teri zamin pe karta raha hun mazduri

hai sukhne ko pasina muawza hai kahan

daulat kā falak toḌ ke aalam kī jabīñ par

mazdūr kī qismat ke sitāre nikal aa.e

daulat ka falak toD ke aalam ki jabin par

mazdur ki qismat ke sitare nikal aae

ham haiñ mazdūr hameñ kaun sahārā degā

ham to miT kar bhī sahārā nahīñ māñgā karte

hum hain mazdur hamein kaun sahaara dega

hum to miT kar bhi sahaara nahin manga karte

tū qādir o aadil hai magar tere jahāñ meñ

haiñ talḳh bahut banda-e-mazdūr ke auqāt

tu qadir o aadil hai magar tere jahan mein

hain talKH bahut banda-e-mazdur ke auqat

kuchal kuchal ke na fōt-pāth ko chalo itnā

yahāñ pe raat ko mazdūr ḳhvāb dekhte haiñ

kuchal kuchal ke na foot-path ko chalo itna

yahan pe raat ko mazdur KHwab dekhte hain

le ke tesha uThā hai phir mazdūr

Dhal rahe haiñ jabal mashīnoñ meñ

le ke tesha uTha hai phir mazdur

Dhal rahe hain jabal mashinon mein

ab un kī ḳhvāb-gāhoñ meñ koī āvāz mat karnā

bahut thak-hār kar fōtpath par mazdūr so.e haiñ

ab un ki KHwab-gahon mein koi aawaz mat karna

bahut thak-haar kar footpath par mazdur soe hain

bulāte haiñ hameñ mehnat-kashoñ ke haath ke chhāle

chalo muhtāj ke muñh meñ nivāla rakh diyā jaa.e

bulate hain hamein mehnat-kashon ke hath ke chhaale

chalo muhtaj ke munh mein niwala rakh diya jae

shahr meñ mazdūr jaisā dar-ba-dar koī nahīñ

jis ne sab ke ghar banā.e us kā ghar koī nahīñ

shahr mein mazdur jaisa dar-ba-dar koi nahin

jis ne sab ke ghar banae us ka ghar koi nahin

bojh uThānā shauq kahāñ hai majbūrī kā saudā hai

rahte rahte station par log qulī ho jaate haiñ

bojh uThana shauq kahan hai majburi ka sauda hai

rahte rahte station par log quli ho jate hain

mill mālik ke kutte bhī charbīle haiñ

lekin mazdūroñ ke chehre piile haiñ

mill malik ke kutte bhi charbile hain

lekin mazduron ke chehre pile hain

niiñd aa.egī bhalā kaise use shaam ke ba.ad

roTiyāñ bhī na mayassar hoñ jise kaam ke ba.ad

nind aaegi bhala kaise use sham ke baad

roTiyan bhi na mayassar hon jise kaam ke baad

inhī hairat-zada āñkhoñ se dekhe haiñ vo aañsū bhī

jo aksar dhuup meñ mehnat kī peshānī se Dhalte haiñ

inhi hairat-zada aankhon se dekhe hain wo aansu bhi

jo aksar dhup mein mehnat ki peshani se Dhalte hain

ġharīboñ par to mausam bhī hukūmat karte rahte haiñ

kabhī bārish kabhī garmī kabhī ThanDak kā qabza hai

gharibon par to mausam bhi hukumat karte rahte hain

kabhi barish kabhi garmi kabhi ThanDak ka qabza hai

maiñ ik mazdūr huuñ roTī kī ḳhātir bojh uThātā huuñ

mirī qismat hai bār-e-hukmarānī pusht par rakhnā

main ek mazdur hun roTi ki KHatir bojh uThata hun

meri qismat hai bar-e-hukmarani pusht par rakhna

mehnat kar ke ham to āḳhir bhūke bhī so jā.eñge

yā maulā tū barkat rakhnā bachchoñ kī guḌ-dhānī meñ

mehnat kar ke hum to aaKHir bhuke bhi so jaenge

ya maula tu barkat rakhna bachchon ki guD-dhani mein

hone do charāġhāñ mahloñ meñ kyā ham ko agar dīvālī hai

mazdūr haiñ ham mazdūr haiñ ham mazdūr kī duniyā kaalī hai

hone do charaghan mahlon mein kya hum ko agar diwali hai

mazdur hain hum mazdur hain hum mazdur ki duniya kali hai

terī tābish se raushan haiñ gul bhī aur vīrāne bhī

kyā tū bhī is hañstī-gātī duniyā kā mazdūr hai chāñd?

teri tabish se raushan hain gul bhi aur virane bhi

kya tu bhi is hansti-gati duniya ka mazdur hai chand?

zindagī ab is qadar saffāk ho jā.egī kyā

bhuuk hī mazdūr kī ḳhūrāk ho jā.egī kyā

zindagi ab is qadar saffak ho jaegi kya

bhuk hi mazdur ki KHurak ho jaegi kya

ḳhuun mazdūr kā miltā jo na ta.amīroñ meñ

na havelī na mahal aur na koī ghar hotā

KHun mazdur ka milta jo na tamiron mein

na haweli na mahal aur na koi ghar hota

phūTne vaalī hai mazdūr ke māthe se kiran

surḳh parcham ufuq-e-sub.h pe lahrāte haiñ

phuTne wali hai mazdur ke mathe se kiran

surKH parcham ufuq-e-subh pe lahraate hain