raat ik shaḳhs bahut yaad aayā

jis ghaḌī chāñd numūdār huā

raat ek shaKHs bahut yaad aaya

jis ghaDi chand numudar hua

añdherā itnā hai ab shahr ke muhāfiz ko

har ek raat koī ghar jalānā paḌtā hai

andhera itna hai ab shahr ke muhafiz ko

har ek raat koi ghar jalana paDta hai

shafaq kā rañg kitne vālehāna-pan se bikhrā hai

zamīñ o āsmāñ ne mil ke unvān-e-sahar likkhā

shafaq ka rang kitne walehana-pan se bikhra hai

zamin o aasman ne mil ke unwan-e-sahar likkha

na jaane kaun apāhij banā rahā hai hameñ

safar meñ tark-e-safar kā ḳhayāl kyuuñ aayā

na jaane kaun apahij bana raha hai hamein

safar mein tark-e-safar ka KHayal kyun aaya

bahut dinoñ se idhar us ko yaad bhī na kiyā

bahut dinoñ se udhar kā ḳhayāl kyuuñ aayā

bahut dinon se idhar us ko yaad bhi na kiya

bahut dinon se udhar ka KHayal kyun aaya