junun-nawaz safar ka KHayal kyun aaya

junūñ-navāz safar kā ḳhayāl kyuuñ aayā

kisī kī rāhguzar kā ḳhayāl kyuuñ aayā

na jaane kaun apāhij banā rahā hai hameñ

safar meñ tark-e-safar kā ḳhayāl kyuuñ aayā

junūñ ko terī zarūrat kā kyuuñ huā ehsās

safar-guzār ko ghar kā ḳhayāl kyuuñ aayā

bahut dinoñ se idhar us ko yaad bhī na kiyā

bahut dinoñ se udhar kā ḳhayāl kyuuñ aayā

yahāñ to aur bhī rahte haiñ ahl-e-dard 'shafaq'

tumheñ paḌos ke ghar kā ḳhayāl kyuuñ aayā

junun-nawaz safar ka KHayal kyun aaya

kisi ki rahguzar ka KHayal kyun aaya

na jaane kaun apahij bana raha hai hamein

safar mein tark-e-safar ka KHayal kyun aaya

junun ko teri zarurat ka kyun hua ehsas

safar-guzar ko ghar ka KHayal kyun aaya

bahut dinon se idhar us ko yaad bhi na kiya

bahut dinon se udhar ka KHayal kyun aaya

yahan to aur bhi rahte hain ahl-e-dard 'shafaq'

tumhein paDos ke ghar ka KHayal kyun aaya