har ek fankar ne jo kuchh bhi likkha KHub-tar likkha

har ik fankār ne jo kuchh bhī likkhā ḳhūb-tar likkhā

havā ne pāniyoñ par pāniyoñ ne ret par likkhā

daraḳhshāñ kitne lamhe kar gayā ik barg-e-jāñ-rafta

shajar se gir ke us ne dā.eroñ meñ kis qadar likkhā

subuk se rañg halke dā.ere ubhre hue shoshe

kisī ne kitnī fankārī se is ke jism par likkhā

maiñ huuñ zulmat-guzīñ ye khel hai taqdīr kā varna

siyāhī se bhī maiñ ne raushnī ke naam par likkhā

shafaq kā rañg kitne vālehāna-pan se bikhrā hai

zamīñ o āsmāñ ne mil ke unvān-e-sahar likkhā

har ek fankar ne jo kuchh bhi likkha KHub-tar likkha

hawa ne paniyon par paniyon ne ret par likkha

daraKHshan kitne lamhe kar gaya ek barg-e-jaan-rafta

shajar se gir ke us ne daeron mein kis qadar likkha

subuk se rang halke daere ubhre hue shoshe

kisi ne kitni fankari se is ke jism par likkha

main hun zulmat-guzin ye khel hai taqdir ka warna

siyahi se bhi main ne raushni ke nam par likkha

shafaq ka rang kitne walehana-pan se bikhra hai

zamin o aasman ne mil ke unwan-e-sahar likkha