چودہ سو سال کا ہے فرق دکھانے کے لیے
چودہ سو سال کا ہے فرق دکھانے کے لیے
آپ تو اب بھی ہیں موجود زمانے کے لیے
حکم رب ہوگا کہ لے جاؤ اسے دوزخ میں
آئیں گے حشر میں سرکار بچانے کے لیے
عشق احمد کی ردا اوڑھ کے میں سویا ہوں
اے فرشتو مجھے مت آنا اٹھانے کے لیے
تشنہ لب دیکھ کے سرکار کہیں گے مجھ سے
بیٹھو منگوائیں تمہیں جام پلانے کے لیے
وہ بھی مجھ جیسے گنہگار کو دوزخ سے بھلا
کون آئے گا سوا ان کے بچانے کے لیے
عرش اعظم پہ ہے سرکار تمہاری دعوت
اس لیے آئے ہیں جبریل بلانے کے لیے
میرے سرکار فقط اتنی نوازش کر دو
در پہ آ جاؤں کبھی نعت سنانے کے لیے
اس لیے پڑھتا ہوں میں نعت نبی کی شاکرؔ
اپنی سوئی ہوئی تقدیر جگانے کے لیے
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
