رکھا ہے جیسے تیسے ہی خود کو سنبھال کر

رکھا ہے جیسے تیسے ہی خود کو سنبھال کر

اک شخص لے گیا تھا کلیجہ نکال کر

پہروں بچھڑ گیا تو کبھی آ گلے ملا

وہ روح پھونکتا ہے مرا دم نکال کر

اپنی تباہیوں پہ جسے خوب ناز تھا

دیکھو تو رو رہا ہے وہی دل سنبھال کر

اک کچی عمر سے جسے میں سوچتی رہی

وہ خود بدل گیا مجھے سانچے میں ڈھال کر

اب اہل ظرف لوگ نہیں ہیں زمانے میں

تم دل لگانا اپنا ذرا دیکھ بھال کر

ہم جن کو پوجتے تھے کبھی عزم کی طرح

بیٹھے ہیں وہ ہی لوگ تو خنجر نکال کر