rakkha hai jaise-taise hi KHud ko sanbhaal kar

rakkhā hai jaise-taise hī ḳhud ko sañbhāl kar

ik shaḳhs le gayā thā kaleja nikāl kar

pahroñ bichhaḌ gayā to kabhī aa gale milā

vo ruuh phūñktā hai mirā dam nikāl kar

apnī tabāhiyoñ pe jise ḳhuub naaz thā

dekho to ro rahā hai vahī dil sañbhāl kar

ik kachchī 'umr se jise maiñ sochtī rahī

vo ḳhud badal gayā mujhe sāñche meñ Dhaal kar

ab ahl-e-zarf log nahīñ haiñ zamāne meñ

tum dil lagānā apnā zarā dekh-bhāl kar

ham jin ko pūjte the kabhī 'azm kī tarah

baiThe haiñ vo hī log to ḳhanjar nikāl kar

rakkha hai jaise-taise hi KHud ko sanbhaal kar

ek shaKHs le gaya tha kaleja nikal kar

pahron bichhaD gaya to kabhi aa gale mila

wo ruh phunkta hai mera dam nikal kar

apni tabahiyon pe jise KHub naz tha

dekho to ro raha hai wahi dil sanbhaal kar

ek kachchi 'umr se jise main sochti rahi

wo KHud badal gaya mujhe sanche mein Dhaal kar

ab ahl-e-zarf log nahin hain zamane mein

tum dil lagana apna zara dekh-bhaal kar

hum jin ko pujte the kabhi 'azm ki tarah

baiThe hain wo hi log to KHanjar nikal kar