پیغام پر اشعار

پیغام تو ان کا آیا ہے تم شہر میں تشنہؔ آ جاؤ

صحرا ہے پسندیدہ ہم کو ہم شہر میں جا کر کیا کرتے

ضرور امن کا پیغام لے گیا تھا کہیں

پرندہ لوٹا لئے پر لہو میں ڈوبے ہوئے

نشیب ہستی سے افسوس ہم ابھر نہ سکے

فراز دار سے پیغام آئے ہیں کیا کیا

نگاہیں ان کی سب کچھ کہہ گئی ہیں

کوئی لے کر پیام آئے نہ آئے

کن راہوں سے ہو کر آئی ہو کس گل کا سندیسہ لائی ہو

ہم باغ میں خوش خوش بیٹھے تھے کیا کر دیا آ کے صبا تم نے

اے رنگون میں چلتی ہوا میرا سندیسہ لیتی جا

تیرا تو ان کی گلیوں میں آنا جانا ہوگا ہی

مدت ہوئی اس کو کہ مری خلوت شب میں

پیغام جو لائی تھی صبا یاد ہے اب تک

کب وہ پیغام رسا ہو کہ مجھے صبر نہیں

کاکل خم کے لئے شعر رقم کرتا ہوں