nikāl laayā huuñ ek pinjre se ik parinda

ab is parinde ke dil se piñjra nikālnā hai

nikal laya hun ek pinjre se ek parinda

ab is parinde ke dil se pinjra nikalna hai

kisī galī meñ kirā.e pe ghar liyā us ne

phir us galī meñ gharoñ ke kirā.e baḌhne lage

kisi gali mein kirae pe ghar liya us ne

phir us gali mein gharon ke kirae baDhne lage

bichhaḌ ga.e to ye dil umr bhar lagegā nahīñ

lagegā lagne lagā hai magar lagegā nahīñ

bichhaD gae to ye dil umr bhar lagega nahin

lagega lagne laga hai magar lagega nahin

kitāb-e-ishq meñ har aah ek aayat hai

par āñsuoñ ko hurūf-e-muqatti.āt samajh

kitab-e-ishq mein har aah ek aayat hai

par aansuon ko huruf-e-muqattiat samajh

tum pe kyā ḳhaak asar hogā mire sheroñ kā

tum ko to mīr-taqī-'mīr' nahīñ khīñch sakā

tum pe kya KHak asar hoga mere sheron ka

tum ko to mir-taqi-'mir' nahin khinch saka