baDe tahammul se rafta rafta nikalna hai
baḌe tahammul se rafta rafta nikālnā hai
bachā hai jo tujh meñ merā hissa nikālnā hai
ye ruuh barsoñ se dafn hai tum madad karoge
badan ke malbe se is ko zinda nikālnā hai
nazar meñ rakhnā kahīñ koī ġham-shanās gāhak
mujhe suḳhan bechnā hai ḳharcha nikālnā hai
nikāl laayā huuñ ek piñjre se ik parinda
ab is parinde ke dil se piñjra nikālnā hai
ye tiis barsoñ se kuchh baras pīchhe chal rahī hai
mujhe ghaḌī kā ḳharāb purza nikālnā hai
ḳhayāl hai ḳhāndān ko ittilā.a de duuñ
jo kaT gayā us shajar kā shajara nikālnā hai
maiñ ek kirdār se baḌā tang huuñ qalamkār
mujhe kahānī meñ Daal ġhussa nikālnā hai
baDe tahammul se rafta rafta nikalna hai
bacha hai jo tujh mein mera hissa nikalna hai
ye ruh barson se dafn hai tum madad karoge
badan ke malbe se is ko zinda nikalna hai
nazar mein rakhna kahin koi gham-shanas gahak
mujhe suKHan bechna hai KHarcha nikalna hai
nikal laya hun ek pinjre se ek parinda
ab is parinde ke dil se pinjra nikalna hai
ye tis barson se kuchh baras pichhe chal rahi hai
mujhe ghaDi ka KHarab purza nikalna hai
KHayal hai KHandan ko ittilaa de dun
jo kaT gaya us shajar ka shajara nikalna hai
main ek kirdar se baDa tang hun qalamkar
mujhe kahani mein Dal ghussa nikalna hai
- Book : Aakhiri Tasveer (Pg. 53)
- Author : Umair Nazmi
- Publication : Rekhta Publications (2024)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
