Sher of Naseer Turabi
milne kī tarah mujh se vo pal bhar nahīñ miltā
dil us se milā jis se muqaddar nahīñ miltā
milne ki tarah mujh se wo pal bhar nahin milta
dil us se mila jis se muqaddar nahin milta
adāvateñ thīñ, taġhāful thaa, ranjisheñ thiiñ bahut
bichhaḌne vaale meñ sab kuchh thaa, bevafā.ī na thī
adawaten thin, taghaful tha, ranjishen thin bahut
bichhaDne wale mein sab kuchh tha, bewafai na thi
-
Share this
- See Ghazal
- Critique
- Comments
- Download
shahr meñ kis se suḳhan rakhiye kidhar ko chaliye
itnī tanhā.ī to ghar meñ bhī hai ghar ko chaliye
shahr mein kis se suKHan rakhiye kidhar ko chaliye
itni tanhai to ghar mein bhi hai ghar ko chaliye
kuchh roz nasīr aao chalo ghar meñ rahā jaa.e
logoñ ko ye shikva hai ki ghar par nahīñ miltā
kuchh roz nasir aao chalo ghar mein raha jae
logon ko ye shikwa hai ki ghar par nahin milta
is kaḌī dhuup meñ saaya kar ke
tū kahāñ hai mujhe tanhā kar ke
is kaDi dhup mein saya kar ke
tu kahan hai mujhe tanha kar ke
-
Share this
- See Ghazal
- Critique
- Comments
- Download
vo ham-safar thā magar us se ham-navā.ī na thī
ki dhuup chhāñv kā aalam rahā judā.ī na thī
wo ham-safar tha magar us se ham-nawai na thi
ki dhup chhanw ka aalam raha judai na thi
-
Share this
- See Ghazal
- Critique
- Comments
- Download
aaj kī raat ujāle mire ham-sāya haiñ
aaj kī raat jo so luuñ to nayā ho jā.ūñ
aaj ki raat ujale mere ham-saya hain
aaj ki raat jo so lun to naya ho jaun
-
Share this
- See Ghazal
- Critique
- Comments
- Download
ye rāh-e-tamannā hai yahāñ dekh ke chalnā
is raah meñ sar milte haiñ patthar nahīñ miltā
ye rah-e-tamanna hai yahan dekh ke chalna
is rah mein sar milte hain patthar nahin milta
maiñ ik shajar kī tarah rah-guzar meñ Thahrā huuñ
thakan utaar ke tū kis taraf ravāna huā
main ek shajar ki tarah rah-guzar mein Thahra hun
thakan utar ke tu kis taraf rawana hua
-
Tag : Shajar
-
Share this
- See Ghazal
- Critique
- Comments
- Download
ḳhud apne hijr kī ḳhvāhish mujhe aziiz rahī
ye tere vasl kā qissa to ik bahāna huā
KHud apne hijr ki KHwahish mujhe aziz rahi
ye tere wasl ka qissa to ek bahana hua
-
Share this
- See Ghazal
- Critique
- Comments
- Download
tujhe kyā ḳhabar mire be-ḳhabar mirā silsila koī aur hai
jo mujhī ko mujh se baham kare vo gurez-pā koī aur hai
tujhe kya KHabar mere be-KHabar mera silsila koi aur hai
jo mujhi ko mujh se baham kare wo gurez-pa koi aur hai
-
Share this
- See Ghazal
- Critique
- Comments
- Download
ye havā saare charāġhoñ ko uḌā le jā.egī
raat Dhalne tak yahāñ sab kuchh dhuāñ ho jā.egā
ye hawa sare charaghon ko uDa le jaegi
raat Dhalne tak yahan sab kuchh dhuan ho jaega
-
Share this
- See Ghazal
- Critique
- Comments
- Download
bichhaḌte vaqt un āñkhoñ meñ thī hamārī ġhazal
ġhazal bhī vo jo kisī ko abhī sunā.ī na thī
bichhaDte waqt un aankhon mein thi hamari ghazal
ghazal bhi wo jo kisi ko abhi sunai na thi
-
Share this
- See Ghazal
- Critique
- Comments
- Download
kahne ko ġham-e-hijr baḌā dushman-e-jāñ hai
par dost bhī is dost se behtar nahīñ miltā
kahne ko gham-e-hijr baDa dushman-e-jaan hai
par dost bhi is dost se behtar nahin milta
tujh se bichhḌūñ to koī phuul na mahke mujh meñ
dekh kyā karb hai kyā zaat kī sachchā.ī hai
tujh se bichhDun to koi phul na mahke mujh mein
dekh kya karb hai kya zat ki sachchai hai
-
Tag : Phool
-
Share this
- See Ghazal
- Critique
- Comments
- Download
muddatoñ ba.ad agar sāmne aa.e ham tum
dhuñdle dhuñdle se mileñge ḳhad-o-ḳhāl aise meñ
muddaton baad agar samne aae hum tum
dhundle dhundle se milenge KHad-o-KHal aise mein
-
Share this
- See Ghazal
- Critique
- Comments
- Download
qurbateñ ret kī dīvār haiñ gir saktī haiñ
mujh ko ḳhud apne hī saa.e meñ Thahar jaanā thā
qurbaten ret ki diwar hain gir sakti hain
mujh ko KHud apne hi sae mein Thahar jaana tha
-
Share this
- See Ghazal
- Critique
- Comments
- Download
shāyad ye intizār kī lau faisla kare
maiñ apne saath huuñ ki darīchoñ ke saath huuñ
shayad ye intizar ki lau faisla kare
main apne sath hun ki darichon ke sath hun
-
Tag : Intezar
-
Share this
- See Ghazal
- Critique
- Comments
- Download
ye ruuh raqs-e-charāġhāñ hai apne halqe meñ
ye jism saaya hai aur saaya Dhal rahā hai miyāñ
ye ruh raqs-e-charaghan hai apne halqe mein
ye jism saya hai aur saya Dhal raha hai miyan
-
Tag : Zindagi
-
Share this
- See Ghazal
- Critique
- Comments
- Download
usī ne mujh pe uThā.e haiñ sañg jis ke liye
maiñ paash paash huā ghar nigār-ḳhāna huā
usi ne mujh pe uThae hain sang jis ke liye
main pash pash hua ghar nigar-KHana hua
-
Tag : Ghar
-
Share this
- See Ghazal
- Critique
- Comments
- Download