جمال پانی پتی
غزل 5
اشعار 2
دم بہ دم اٹھتی ہیں کس یاد کی لہریں دل میں
درد رہ رہ کے یہ کروٹ سی بدلتا کیا ہے
کیا ہو گیا گلشن کو ساکت ہے فضا کیسی
سب شاخ و شجر چپ ہیں ہلتا نہیں پتا بھی
دوہا 6
موتی مونگے کنکر پتھر بچے نہ کوئی بھائی
سمے کی چکی سب کو پیسے کیا پربت کیا رائی
دیا بجھا پھر جل جائے اور رت بھی پلٹا کھائے
پھر جو ہاتھ سے جائے سمے وہ کبھی نہ لوٹ کے آئے
سمے کے سارے کھیل ہیں پیارے کہہ گئے جگت کبیرؔ
آپ ہنسائے آپ رلائے آپ بندھائے دھیر
کیسے کیسے ویر سورما جگ میں جن کا مان
جگ سے جیتے سمے سے ہارے سمے بڑا بلوان
سمے کی رچنا سمے کا پھیر اور سمے کے سب بہروپ
کیا اندھیارے کیا اجیالے کیا چھاؤں کیا دھوپ
