دل کی حالت پوچھنے والو

دیکھو کوئی پھول مسل کے

تیری بینائی کسی دن چھین لے گا دیکھنا

دیر تک رہنا ترا یہ آئنوں کے درمیاں

شاعری ہے سرمایا خوش نصیب لوگوں کا

بانس کی ہر اک ٹہنی بانسری نہیں ہوتی

بیٹھتے جب ہیں کھلونے وہ بنانے کے لیے

ان سے بن جاتے ہیں ہتھیار یہ قصہ کیا ہے

وہ جو قصے میں تھا شامل وہی کہتا ہے مجھے

مجھ کو معلوم نہیں یار یہ قصہ کیا ہے

مجھ سے جلدی ہار کر میرا حریف

جیتنے کا لطف سارا لے گیا

کہیں خلوص کہیں دوستی کہیں پہ وفا

بڑے قرینے سے گھر کو سجا کے رکھتے ہیں

خود چراغ بن کے جل وقت کے اندھیرے میں

بھیک کے اجالوں سے روشنی نہیں ہوتی

لطف آرام کا تو کیا جانے

کبھی اے وقت ٹھہر میرے ساتھ

پیار کا پہلا خط لکھنے میں وقت تو لگتا ہے

نئے پرندوں کو اڑنے میں وقت تو لگتا ہے

دل میں جو محبت کی روشنی نہیں ہوتی

اتنی خوب صورت یہ زندگی نہیں ہوتی

ہمیں پسند نہیں جنگ میں بھی مکاری

جسے نشانے پہ رکھیں بتا کے رکھتے ہیں

کچھ اور سبق ہم کو زمانے نے سکھائے

کچھ اور سبق ہم نے کتابوں میں پڑھے تھے

کھیل زندگی کے تم کھیلتے رہو یارو

ہار جیت کوئی بھی آخری نہیں ہوتی

یہ تجربہ ہوا ہے محبت کی راہ میں

کھو کر ملا جو ہم کو وہ پا کر نہیں ملا