dil kī hālat pūchhne vaalo

dekho koī phuul masal ke

dil ki haalat puchhne walo

dekho koi phul masal ke

terī bīnā.ī kisī din chhīn legā dekhnā

der tak rahnā tirā ye ā.inoñ ke darmiyāñ

teri binai kisi din chhin lega dekhna

der tak rahna tera ye aainon ke darmiyan

shā.erī hai sarmāyā ḳhush-nasīb logoñ kā

baañs kī har ik Tahnī bāñsurī nahīñ hotī

shaeri hai sarmaya KHush-nasib logon ka

bans ki har ek Tahni bansuri nahin hoti

baiThte jab haiñ khilaune vo banāne ke liye

un se ban jaate haiñ hathiyār ye qissa kyā hai

baiThte jab hain khilaune wo banane ke liye

un se ban jate hain hathiyar ye qissa kya hai

vo jo qisse meñ thā shāmil vahī kahtā hai mujhe

mujh ko ma.alūm nahīñ yaar ye qissa kyā hai

wo jo qisse mein tha shamil wahi kahta hai mujhe

mujh ko malum nahin yar ye qissa kya hai

mujh se jaldī haar kar merā harīf

jītne kā lutf saarā le gayā

mujh se jaldi haar kar mera harif

jitne ka lutf sara le gaya

kahīñ ḳhulūs kahīñ dostī kahīñ pe vafā

baḌe qarīne se ghar ko sajā ke rakhte haiñ

kahin KHulus kahin dosti kahin pe wafa

baDe qarine se ghar ko saja ke rakhte hain

ḳhud charāġh ban ke jal vaqt ke andhere meñ

bhiik ke ujāloñ se raushnī nahīñ hotī

KHud charagh ban ke jal waqt ke andhere mein

bhik ke ujalon se raushni nahin hoti

lutf ārām kā tū kyā jaane

kabhī ai vaqt Thahr mere saath

lutf aaram ka tu kya jaane

kabhi ai waqt Thahr mere sath

pyaar kā pahlā ḳhat likhne meñ vaqt to lagtā hai

na.e parindoñ ko uḌne meñ vaqt to lagtā hai

pyar ka pahla KHat likhne mein waqt to lagta hai

nae parindon ko uDne mein waqt to lagta hai

dil meñ jo mohabbat kī raushnī nahīñ hotī

itnī ḳhūbsūrat ye zindagī nahīñ hotī

dil mein jo mohabbat ki raushni nahin hoti

itni KHubsurat ye zindagi nahin hoti

hameñ pasand nahīñ jañg meñ bhī makkārī

jise nishāne pe rakkheñ batā ke rakhte haiñ

hamein pasand nahin jang mein bhi makkari

jise nishane pe rakkhen bata ke rakhte hain

kuchh aur sabaq ham ko zamāne ne sikhā.e

kuchh aur sabaq ham ne kitāboñ meñ paḌhe the

kuchh aur sabaq hum ko zamane ne sikhae

kuchh aur sabaq hum ne kitabon mein paDhe the

khel zindagī ke tum khelte raho yaaro

haar jiit koī bhī āḳhirī nahīñ hotī

khel zindagi ke tum khelte raho yaro

haar jit koi bhi aaKHiri nahin hoti

ye tajraba huā hai mohabbat kī raah meñ

kho kar milā jo ham ko vo pā kar nahīñ milā

ye tajraba hua hai mohabbat ki rah mein

kho kar mila jo hum ko wo pa kar nahin mila