ابو محمد واصل بہرائچی
غزل 10
اشعار 17
ہنسا کرتے ہیں اکثر لوگ دیوانوں کی باتوں پر
جہاں والے نہیں سمجھے محبت کی زباں شاید
اگر تیری طرح تبلیغ کرتا پیر مے خانہ
تو دنیا بھر میں واعظ مے کشی ہی مے کشی ہوتی
سرد مہری سے تری گرمئ الفت نہ رہی
دل میں اٹھتا تھا جو ہر دم وہ شرارہ بھی گیا
ایک ہی چیز ہے پردے میں کہ بیرون حجاب
مجھ کو ظاہر بھی کیا خود کو چھپایا بھی گیا
رہ وفا میں انہیں کی خوشی کی بات کرو
وہ زندگی ہیں تو پھر زندگی کی بات کرو
