Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

دیکھ کر ہر در و دیوار کو حیراں ہونا

عزیزؔ لکھنوی

دیکھ کر ہر در و دیوار کو حیراں ہونا

عزیزؔ لکھنوی

MORE BYعزیزؔ لکھنوی

    دیکھ کر ہر در و دیوار کو حیراں ہونا

    وہ مرا پہلے پہل داخل زنداں ہونا

    اف مرے اجڑے ہوئے گھر کی تباہی دیکھو

    جس کے ہر ذرہ پہ چھایا ہے بیاباں ہونا

    حادثے دونوں یہ عالم میں اہم گزرے ہیں

    میرا مرنا تری زلفوں کا پریشاں ہونا

    رات بھر سوز محبت نے جلایا مجھ کو

    تھا مقدر میں چراغ شب ہجراں ہونا

    کیوں نہ وحشت میں بھی پابند محبت رہتا

    تھا بیاباں میں مجھے قیدئ زنداں ہونا

    جوش میں لے کے اک انگڑائی کسی کا کہنا

    تم کو آتا ہی نہیں چاک گریباں ہونا

    ہو چلیں آپ کے بیمار کی آنکھیں بے نور

    قہر تھا صبح کے تارے کا نمایاں ہونا

    میں کروں ضبط ادھر ان کو پسینہ آئے

    چاہیے یوں غم پنہاں کو نمایاں ہونا

    ان سے کرتا ہے دم نزع وصیت یہ عزیزؔ

    خلق روئے گی مگر تم نہ پریشاں ہونا

    مأخذ :

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    بولیے