Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dekh kar har dar-o-diwar ko hairan hona

Aziz Lakhnavi

dekh kar har dar-o-diwar ko hairan hona

Aziz Lakhnavi

MORE BYAziz Lakhnavi

    dekh kar har dar-o-dīvār ko hairāñ honā

    vo mirā pahle-pahal dāḳhil-e-zindāñ honā

    uff mire ujḌe hue ghar kī tabāhī dekho

    jis ke har zarre pe chhāyā hai bayābāñ honā

    hādse donoñ ye 'ālam meñ aham guzre haiñ

    merā marnā tirī zulfoñ kā pareshāñ honā

    raat bhar soz-e-mohabbat ne jalāyā mujh ko

    thā muqaddar meñ charāġh-e-shab-e-hijrāñ honā

    kyuuñ na vahshat meñ bhī pāband-e-mohabbat rahtā

    thā bayābāñ meñ mujhe qaidi-e-zindāñ honā

    josh meñ le ke ik añgḌā.ī kisī kā kahnā

    tum ko aatā hī nahīñ chāk-garebāñ honā

    ho chalīñ aap ke bīmār kī āñkheñ be-nūr

    qahr thā sub.h ke taare kā numāyāñ honā

    maiñ karūñ zabt udhar un ko pasīna aa.e

    chāhiye yuuñ ġham-e-pinhāñ ko numāyāñ honā

    un se kartā hai dam-e-naz' vasiyyat ye 'azīz'

    ḳhalq ro.egī magar tum na pareshāñ honā

    dekh kar har dar-o-diwar ko hairan hona

    wo mera pahle-pahal daKHil-e-zindan hona

    uff mere ujDe hue ghar ki tabahi dekho

    jis ke har zarre pe chhaya hai bayaban hona

    hadse donon ye 'alam mein aham guzre hain

    mera marna teri zulfon ka pareshan hona

    raat bhar soz-e-mohabbat ne jalaya mujh ko

    tha muqaddar mein charagh-e-shab-e-hijran hona

    kyun na wahshat mein bhi paband-e-mohabbat rahta

    tha bayaban mein mujhe qaidi-e-zindan hona

    josh mein le ke ek angDai kisi ka kahna

    tum ko aata hi nahin chaak-gareban hona

    ho chalin aap ke bimar ki aankhen be-nur

    qahr tha subh ke tare ka numayan hona

    main karun zabt udhar un ko pasina aae

    chahiye yun gham-e-pinhan ko numayan hona

    un se karta hai dam-e-naz' wasiyyat ye 'aziz'

    KHalq roegi magar tum na pareshan hona

    Tagged Under

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now