ٹھیک اپنے تعلقات کریں

ٹھیک اپنے تعلقات کریں

یہ ہی بہتر ہے آؤ بات کریں

گفتگو پر نتیجہ خیز رہے

سیر حاصل مذاکرات کریں

دوریوں کا سبب جو بن گئے ہیں

دور وہ سب تحفظات کریں

حل طلب کوئی مسئلہ نہ رہے

سیدھے سارے معاملات کریں

مل کے ہم ڈھونڈیں مشکلات کا حل

نہ کہ پیدا تنازعات کریں

تم ہو کیا تم کو دیکھ لوں گا میں

بند یہ باتیں واہیات کریں

زندگی کے کوئی معانی بھی ہوں

یہ نہیں بس کہ دن کو رات کریں

نا پسند اس کو منکرات ہیں سب

یہ ہی اچھا ہے صالحات کریں