Thik apne talluqat karen

Thiik apne ta'alluqāt kareñ

ye hī behtar hai aao baat kareñ

guftugū pur-natīja-ḳhez raheñ

sair-hāsil muzākarāt kareñ

dūriyoñ kā sabab jo ban ga.e haiñ

duur vo sab tahaffuzāt kareñ

hal talab koī mas.ala na rahe

sīdhe saare mu'āmalāt kareñ

mil ke ham DhūñDeñ mushkilāt kā hal

na ki paidā tanāze'āt kareñ

aap kyā haiñ ye dekh lūñgā maiñ

band ye bāteñ vāhiyāt kareñ

zindagī ke koī ma'ānī bhī hoñ

ye nahīñ bas ki din ko raat kareñ

nā pasand us ko munkirāt haiñ sab

ye hī achchhā hai sālihāt kareñ

Thik apne ta'alluqat karen

ye hi behtar hai aao baat karen

guftugu pur-natija-KHez rahen

sair-hasil muzakaraat karen

duriyon ka sabab jo ban gae hain

dur wo sab tahaffuzat karen

hal talab koi masala na rahe

sidhe sare mu'amalat karen

mil ke hum DhunDen mushkilat ka hal

na ki paida tanaze'at karen

aap kya hain ye dekh lunga main

band ye baaten wahiyat karen

zindagi ke koi ma'ani bhi hon

ye nahin bas ki din ko raat karen

na pasand us ko munkiraat hain sab

ye hi achchha hai salihat karen