چاہنے والوں کے ہر منظر میں ہوں
چاہنے والوں کے ہر منظر میں ہوں
ورنہ گھر میں ہوں نہ میں دفتر میں ہوں
مصلحت آمیز ہے ہونا مرا
خیر میں ہوں میں نہ اب میں شر میں ہوں
روح کا ناٹک نہیں کرنا مجھے
جسم ہوں اور جسم کے پیکر میں ہوں
بھولیے تو دو جہانوں میں نہیں
سوچئے تو آپ کے بستر میں ہوں
توڑ لو دل میں جو دل میں ہوں نہاں
پھوڑ لو یہ سر اگر میں سر میں ہوں
کون دستک دے رہا ہے بار بار
یہ کسے معلوم تھا میں گھر میں ہوں
کیا عجب ہے دیر سے آنا مرا
میں وہ اول تھا جو اب دیگر میں ہوں
یہ جو منظر پر ہے سب بے کار ہے
کیونکہ میں اس وقت پس منظر میں ہوں
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.