سیاسی پر اشعار

میں آج زد پہ اگر ہوں تو خوش گمان نہ ہو

چراغ سب کے بجھیں گے ہوا کسی کی نہیں

ایسا گلشن کی سیاست نے کیا ہے پابند

ہم اسیران قفس آہ بھی کرنے کے نہیں

نئی لاشیں بچھانے کے لیے ہی

گڑے مردے اکھاڑے جا رہے ہیں

تمھارے ساتھ تعلق تو دوستانہ تھا

تم اس میں رنگ سیاست کہاں سے لے آئے

ملے گی سیٹ الیکشن میں آپ کو اک دن

اگر یہ چمچہ گری کامیاب ہو جائے

کوئی اچھی وزارت گر کسی ممبر کو مل جائے

تو باقی کے وزیروں کو بڑی تکلیف ہوتی ہے

حالات بدل سکتے ہیں منانؔ کسی وقت

بن جائیں گے اب صاحب دستار تماشہ

نیتا ہے دل کا چاہے تو دل سے نکال دے

لیکن ہمارے گھپلوں کی فرد سزا نہ مانگ

ہیں ہمارے جتنے لیڈر سبھی بھٹے چور کیوں ہیں

کوئی چارہ ساز ہوتا کوئی غم گسار ہوتا

زندگی ہو مری نیتاؤں کی صورت یا رب

ہو فقط اپنی غرض سے ہی محبت یا رب

ہے بجٹ گھاٹے میں جرمانے ضروری ہیں یہاں

اس لیے سرکار میری لوٹ کر کھانے کو ہے

کیک بسکٹ کھائیں گے الو کے پٹھے رات دن

اور شریفوں کے لیے آٹا گراں ہو جائے گا

بات منوانی ہے ارباب حکومت سے اگر

نت نئے ڈھونگ رچا دھوم مچا مائی ڈیئر

عظمت ملک اس سیاست کے

ہاتھ نیلام ہو رہی ہے اب

ہیں کواکب کچھ نظر آتے ہیں کچھ

دیتے ہیں دھوکہ یے بازی گر کھلا