Sher on Poetry

talḳhiyāñ ḳhūn-e-jigar kī shā'irī meñ ghol kar

chand misre' laa.eñ haiñ ham bhī sunāne ke liye

talKHiyan KHun-e-jigar ki sha'iri mein ghol kar

chand misre' laen hain hum bhi sunane ke liye

DhūñD aflāk na.e aur zamīneñ bhī na.ī

ho ġhazal kā tirī har she'r nayā harf-ba-harf

DhunD aflak nae aur zaminen bhi nai

ho ghazal ka teri har she'r naya harf-ba-harf

mujh ko tanhā chhoḌne vaale tū na kahīñ tanhā rah jaa.e

jis par tujh ko naaz hai utnā us kā naam zamāna hai

mujh ko tanha chhoDne wale tu na kahin tanha rah jae

jis par tujh ko naz hai utna us ka nam zamana hai

jab bhī dekhā hai faqat daaġh nazar aa.e mujhe

kitnī hasrat thī tirā chāñd sā chehra dekhūñ

jab bhi dekha hai faqat dagh nazar aae mujhe

kitni hasrat thi tera chand sa chehra dekhun