Sher on aKHbaar

khīñcho na kamānoñ ko na talvār nikālo

jab top muqābil ho to aḳhbār nikālo

khincho na kamanon ko na talwar nikalo

jab top muqabil ho to aKHbar nikalo

hamāre shahr ke logoñ kā ab ahvāl itnā hai

kabhī aḳhbār paḌh lenā kabhī aḳhbār ho jaanā

hamare shahr ke logon ka ab ahwal itna hai

kabhi aKHbar paDh lena kabhi aKHbar ho jaana

is vaqt vahāñ kaun dhuāñ dekhne jaa.e

aḳhbār meñ paḌh leñge kahāñ aag lagī thī

is waqt wahan kaun dhuan dekhne jae

aKHbar mein paDh lenge kahan aag lagi thi

jo dil ko hai ḳhabar kahīñ miltī nahīñ ḳhabar

har sub.h ik azaab hai aḳhbār dekhnā

jo dil ko hai KHabar kahin milti nahin KHabar

har subh ek azab hai aKHbar dekhna

zarā sī chaa.e girī aur daaġh daaġh varaq

ye zindagī hai ki aḳhbār kā tarāshā hai

zara si chae giri aur dagh dagh waraq

ye zindagi hai ki aKHbar ka tarasha hai

das baje raat ko so jaate haiñ ḳhabreñ sun kar

aañkh khultī hai to aḳhbār talab karte haiñ

das baje raat ko so jate hain KHabren sun kar

aankh khulti hai to aKHbar talab karte hain

surḳhiyāñ ḳhuun meñ Duubī haiñ sab aḳhbāroñ kī

aaj ke din koī aḳhbār na dekhā jaa.e

surKHiyan KHun mein Dubi hain sab aKHbaron ki

aaj ke din koi aKHbar na dekha jae

mujh ko aḳhbār sī lagtī haiñ tumhārī bāteñ

har na.e roz nayā fitna bayāñ kartī haiñ

mujh ko aKHbar si lagti hain tumhaari baaten

har nae roz naya fitna bayan karti hain

raat ke lamhāt ḳhūnī dāstāñ likhte rahe

sub.h ke aḳhbār meñ hālāt behtar ho ga.e

raat ke lamhat KHuni dastan likhte rahe

subh ke aKHbar mein haalat behtar ho gae

kaun paḌhtā hai yahāñ khol ke ab dil kī kitāb

ab to chehre ko hī aḳhbār kiyā jaanā hai

kaun paDhta hai yahan khol ke ab dil ki kitab

ab to chehre ko hi aKHbar kiya jaana hai

gumnām ek laash kafan ko taras ga.ī

kāġhaz tamām shahr ke aḳhbār ban ga.e

gumnam ek lash kafan ko taras gai

kaghaz tamam shahr ke aKHbar ban gae

aise mar jaa.eñ koī naqsh na chhoḌeñ apnā

yaad dil meñ na ho aḳhbār meñ tasvīr na ho

aise mar jaen koi naqsh na chhoDen apna

yaad dil mein na ho aKHbar mein taswir na ho

bam phaTe log mare ḳhuun bahā shahr luTe

aur kyā likkhā hai aḳhbār meñ aage paḌhiye

bam phaTe log mare KHun baha shahr luTe

aur kya likkha hai aKHbar mein aage paDhiye

koī nahīñ jo patā de diloñ kī hālat kā

ki saare shahr ke aḳhbār haiñ ḳhabar ke baġhair

koi nahin jo pata de dilon ki haalat ka

ki sare shahr ke aKHbar hain KHabar ke baghair

koī column nahīñ hai hādsoñ par

bachā kar aaj kā aḳhbār rakhnā

koi column nahin hai hadson par

bacha kar aaj ka aKHbar rakhna

surḳhiyāñ aḳhbār kī galiyoñ meñ ġhul kartī rahīñ

log apne band kamroñ meñ paḌe sote rahe

surKHiyan aKHbar ki galiyon mein ghul karti rahin

log apne band kamron mein paDe sote rahe

vo ḳhush-nasīb the jinheñ apnī ḳhabar na thī

yaañ jab bhī aañkh kholiye aḳhbār dekhiye

wo KHush-nasib the jinhen apni KHabar na thi

yan jab bhi aankh kholiye aKHbar dekhiye

dekho to har baġhal meñ hai daftar dabā huā

aḳhbār meñ jo chhāpnā chāho ḳhabar nahīñ

dekho to har baghal mein hai daftar daba hua

aKHbar mein jo chhapna chaho KHabar nahin