lamha-dar-lamha guzartā hī chalā jaatā hai

vaqt ḳhushbū hai bikhartā hī chalā jaatā hai

lamha-dar-lamha guzarta hi chala jata hai

waqt KHushbu hai bikharta hi chala jata hai

mil bhī jaatā jo kahīñ āb-e-baqā kyā karte

zindagī ḳhud bhī thī jiine kī sazā kyā karte

mil bhi jata jo kahin aab-e-baqa kya karte

zindagi KHud bhi thi jine ki saza kya karte

palak jhapakne meñ kuchh ḳhvāb TuuT jaate haiñ

jo but-shikan hai vahī lamha but-tarāsh bhī thā

palak jhapakne mein kuchh KHwab TuT jate hain

jo but-shikan hai wahi lamha but-tarash bhi tha

terī yādoñ kī kahānī to nahīñ hai 'tanvīr'

dil pe dastak jo diyā kartā hai ḳhushbū kī tarah

teri yaadon ki kahani to nahin hai 'tanwir'

dil pe dastak jo diya karta hai KHushbu ki tarah

vo dā.eroñ se jo bāhar na aa sake 'tanvīr'

vo rasm-e-gardish-e-parkār toḌ dī maiñ ne

wo daeron se jo bahar na aa sake 'tanwir'

wo rasm-e-gardish-e-parkar toD di main ne