apne hone kā kuchh ehsās na hone se huā

ḳhud se milnā mirā ik shaḳhs ke khone se huā

apne hone ka kuchh ehsas na hone se hua

KHud se milna mera ek shaKHs ke khone se hua

guzarte pattoñ kī chaap hogī tumhāre sehan-e-anā ke andar

fasurda yādoñ kī bārisheñ bhī mujhe bhulāne ke baad hoñgī

guzarte patton ki chap hogi tumhaare sehan-e-ana ke andar

fasurda yaadon ki barishen bhi mujhe bhulane ke baad hongi

vo sardiyoñ kī dhuup kī tarah ġhurūb ho gayā

lipaT rahī hai yaad jism se lihāf kī tarah

wo sardiyon ki dhup ki tarah ghurub ho gaya

lipaT rahi hai yaad jism se lihaf ki tarah

sajnī kī āñkhoñ meñ chhup kar jab jhāñkā

bin holī khele hī sājan bhiig gayā

sajni ki aankhon mein chhup kar jab jhanka

bin holi khele hi sajan bhig gaya

ḳhatm hone de mire saath hī apnā bhī vajūd

tū bhī ik naqsh ḳharābe kā hai mar jā mujh meñ

KHatm hone de mere sath hi apna bhi wajud

tu bhi ek naqsh KHarabe ka hai mar ja mujh mein