hamari tahriren wardaten bahut zamane ke baad hongi
hamari tahriren wardaten bahut zamane ke baad hongi
Musavvir Sabzwari
MORE BYMusavvir Sabzwari
hamārī tahrīreñ vārdāteñ bahut zamāne ke baad hoñgī
ravāñ ye be-his udaas nahreñ hamāre jaane ke baad hoñgī
khiñchī huī haiñ ufuq se dil tak alāmat-e-vasl kī lakīreñ
magar ye zinda ka.ī qabīloñ kā ḳhuuñ bahāne ke baad hoñgī
talab ke mausam gañvā.e maiñ ne kamāl-e-ġham se dhuāñ dhuāñ tum
shikāyateñ ye kaḌe mahāzoñ se lauT aane ke baad hoñgī
guzarte pattoñ kī chaap hogī tumhāre sehan-e-anā ke andar
fasurda yādoñ kī bārisheñ bhī mujhe bhulāne ke baad hoñgī
laraztī palkoñ kī chilmanoñ par nahīñ sitāra bhī pichhlī shab kā
kahā thā tum ne ki chāñd rāteñ tumhāre aane ke baad hoñgī
zamīn pairoñ se niklegī jab khuleñge sab bhed sāhiloñ ke
rihā.ishoñ kī sharā.it ab kashtiyāñ jalāne ke baad hoñgī
hamari tahriren wardaten bahut zamane ke baad hongi
rawan ye be-his udas nahren hamare jaane ke baad hongi
khinchi hui hain ufuq se dil tak alamat-e-wasl ki lakiren
magar ye zinda kai qabilon ka KHun bahane ke baad hongi
talab ke mausam ganwae main ne kamal-e-gham se dhuan dhuan tum
shikayaten ye kaDe mahazon se lauT aane ke baad hongi
guzarte patton ki chap hogi tumhaare sehan-e-ana ke andar
fasurda yaadon ki barishen bhi mujhe bhulane ke baad hongi
larazti palkon ki chilmanon par nahin sitara bhi pichhli shab ka
kaha tha tum ne ki chand raaten tumhaare aane ke baad hongi
zamin pairon se niklegi jab khulenge sab bhed sahilon ke
rihaishon ki sharait ab kashtiyan jalane ke baad hongi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
