haath chhuḌā kar jaane vaale

maiñ tujh ko apnā samjhā thā

hath chhuDa kar jaane wale

main tujh ko apna samjha tha

lakīreñ khīñchte rahne se ban ga.ī tasvīr

koī bhī kaam ho, be-kār thoḌī hotā hai

lakiren khinchte rahne se ban gai taswir

koi bhi kaam ho, be-kar thoDi hota hai

mohabbat kī to koī had, koī sarhad nahīñ hotī

hamāre darmiyāñ ye fāsle, kaise nikal aa.e

mohabbat ki to koi had, koi sarhad nahin hoti

hamare darmiyan ye fasle, kaise nikal aae

munkashif! aaj talak ho na sakā

maiñ ḳhalā huuñ ki ḳhalā hai mujh meñ

munkashif! aaj talak ho na saka

main KHala hun ki KHala hai mujh mein

sadā.eñ Duub jaatī haiñ havā ke shor meñ aur maiñ

galī-kūchoñ meñ tanhā chīḳhtā rahtā huuñ bārish meñ

sadaen Dub jati hain hawa ke shor mein aur main

gali-kuchon mein tanha chiKHta rahta hun barish mein