tere ḳhayāl ke dīvār-o-dar banāte haiñ

ham apne ghar meñ bhī terā hī ghar banāte haiñ

tere KHayal ke diwar-o-dar banate hain

hum apne ghar mein bhi tera hi ghar banate hain

tum aise kaun ḳhudā ho ki umr bhar tum se

umiid bhī na rakhūñ nā-umīd bhī na rahūñ

tum aise kaun KHuda ho ki umr bhar tum se

umid bhi na rakhun na-umid bhi na rahun

kuchh chhoTe chhoTe dukh apne kuchh dukh apne azīzoñ ke

in se hī jīvan bantā hai so jīvan ban jā.egā

kuchh chhoTe chhoTe dukh apne kuchh dukh apne azizon ke

in se hi jiwan banta hai so jiwan ban jaega

jaise sāhil se chhuḌā letī haiñ maujeñ dāman

kitnā saada hai tirā mujh se gurezāñ honā

jaise sahil se chhuDa leti hain maujen daman

kitna sada hai tera mujh se gurezan hona

bikherte raho sahrā meñ biij ulfat ke

ki biij hī to ubhar kar shajar banāte haiñ

bikherte raho sahra mein bij ulfat ke

ki bij hi to ubhar kar shajar banate hain

har ik baat meñ Daale hai hindū muslim kī baat

ye nā jaane alhaḌ gorī prem hai ḳhud ik zaat

har ek baat mein Dale hai hindu muslim ki baat

ye na jaane alhaD gori prem hai KHud ek zat

urdu vaale hindī vaale donoñ hañsī uḌā.eñ

ham dil vaale apnī bhāshā kis kis ko sikhlā.eñ

urdu wale hindi wale donon hansi uDaen

hum dil wale apni bhasha kis kis ko sikhlaen

'ālī' ab ke kaThin paḌā dīvālī kā tyauhār

ham to ga.e the chailā ban kar bhayyā kah ga.ī naar

'ali' ab ke kaThin paDa diwali ka tyauhaar

hum to gae the chaila ban kar bhayya kah gai nar

sājan ham se mile bhī lekin aise mile ki haa.e

jaise sūkhe khet se bādal bin barse uḌ jaa.e

sajan hum se mile bhi lekin aise mile ki hae

jaise sukhe khet se baadal bin barse uD jae

niiñd ko roknā mushkil thā par jaag ke kaaTī raat

sote meñ aa jaate vo to nīchī hotī baat

nind ko rokna mushkil tha par jag ke kaTi raat

sote mein aa jate wo to nichi hoti baat