main wahan nahin rahta
dushmanī hī rishta ho
ḳhāmushī bhī nauha ho
maut ik tamāsha ho
maiñ vahāñ nahīñ rahtā
log sirf baste hoñ
niiñd ko taraste hoñ
bam jahāñ baraste hoñ
maiñ vahāñ nahīñ rahtā
chūḌiyoñ ke TukḌe hoñ
ḳhushk-o-zard mukhḌe hoñ
har zabāñ pe dukhḌe hoñ
maiñ vahāñ nahīñ rahtā
sar jahāñ pe saste hoñ
be-amān raste hoñ
aadmī bhī Daste hoñ
maiñ vahāñ nahīñ rahtā
zindagī satātī ho
bebasī rulātī ho
roz maut aatī ho
maiñ vahāñ nahīñ rahtā
filoñ meñ naqshoñ meñ
chārToñ graphoñ meñ
ġhair-mulkī qarzoñ meñ
saañs letā rahtā huuñ
capital meñ rahtā huuñ
dushmani hi rishta ho
KHamushi bhi nauha ho
maut ek tamasha ho
main wahan nahin rahta
log sirf baste hon
nind ko taraste hon
bam jahan baraste hon
main wahan nahin rahta
chuDiyon ke TukDe hon
KHushk-o-zard mukhDe hon
har zaban pe dukhDe hon
main wahan nahin rahta
sar jahan pe saste hon
be-aman raste hon
aadmi bhi Daste hon
main wahan nahin rahta
zindagi satati ho
bebasi rulati ho
roz maut aati ho
main wahan nahin rahta
filon mein naqshon mein
chaarTon graphon mein
ghair-mulki qarzon mein
sans leta rahta hun
capital mein rahta hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
