دنیا و دیں کے سرور و سلطاں تمہی تو ہو
دنیا و دیں کے سرور و سلطاں تمہی تو ہو
صل علیٰ سکون دل و جاں تمہی تو ہو
امراض قلب و روح کا درماں تمہی تو ہو
ہر منزل حیات کا ساماں تمہی تو ہو
دیدار حق ہے دید تمہاری زہے کرم
بے شک خدا کی شان کے شایاں تمہی تو ہو
تشبیہ میں ہو احمد و تنزیہہ میں احد
ایماں تو یہ ہے حاصل ایماں تمہی تو ہو
پروانہ وار جن و بشر کیوں نہ ہوں فدا
دونوں جہاں کی شمع فروزاں تمہی تو ہو
تم سے شعور زیست بھی عرفان ذات بھی
افسانۂ حیات کے عنواں تمہی تو ہو
اپنی جو کی تلاش تو معلوم یہ ہوا
میں خود کہاں ہوں مجھ میں مری جاں تمہی تو ہو
دھڑکن میں دل کی میں نے تمہاری صدا سنی
بس ہو نہ ہو قریب دل و جاں تمہی تو ہو
تاباںؔ کو کالی کملی میں حفظ و اماں ملے
رحمت بہ دوش فضل بہ داماں تمہی تو ہو
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
