پیار کی دل میں جب امنگ نہیں
پیار کی دل میں جب امنگ نہیں
بے سبب کرتے ہم بھی تنگ نہیں
تم اسے ذہن میں بٹھا لینا
ہم سکوں چاہتے ہیں جنگ نہیں
سرحدوں پر جو ہوگی ہولی تو
خون ہوگا پھر اس میں رنگ نہیں
رات بھر جاگ صبح سوتے ہو
عیش و آرام کا یہ ڈھنگ نہیں
دوستوں کے حوالے مت کرنا
زندگی ہے کوئی پتنگ نہیں
دل کے ارمان مر گئے شاید
اٹھتی سینے میں اب ترنگ نہیں
اپنی مرضی سے جی سکے بندلؔ
کوئی اتنا بھی اب ملنگ نہیں
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
Click on any word to get its meaning
