Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ab dil hai tere gham ka sahaara liye hue

Sabir Dehlavi

ab dil hai tere gham ka sahaara liye hue

Sabir Dehlavi

MORE BYSabir Dehlavi

    ab dil hai tere ġham kā sahārā liye hue

    qatra hai apne zarf meñ dariyā liye hue

    ik maiñ hī kyā huuñ aap bhī majbūr-e-‘ishq haiñ

    zāhir meñ iḳhtiyār kā parda liye hue

    kis ko yaqīn aa.e qayāmat kī baat kā

    baiThe raheñ vo vā'da-e-fardā liye hue

    maiñ ġham kī vādiyoñ se guzartā chalā gayā

    terī 'ināyatoñ kā sahārā liye hue

    mere liye firāq kī shab bhī hai tābnāk

    phirtā huuñ sham'-e-dāġh-e-tamannā liye hue

    dekhe vo tujh ko kyā jo tirī bazm-e-nāz meñ

    baiThā ho chashm-e-shauq kā parda liye hue

    ham tājdār-e-'ishq haiñ duniyā se kaam kyā

    duniyā ke log haiñ ġham-e-duniyā liye hue

    'sābir' vo be-niyāz-e-tamannā raheñ to kyā

    jab maiñ huuñ e'tibār-e-tamannā liye hue

    ab dil hai tere gham ka sahaara liye hue

    qatra hai apne zarf mein dariya liye hue

    ek main hi kya hun aap bhi majbur-e-‘ishq hain

    zahir mein iKHtiyar ka parda liye hue

    kis ko yaqin aae qayamat ki baat ka

    baiThe rahen wo wa'da-e-farda liye hue

    main gham ki wadiyon se guzarta chala gaya

    teri 'inayaton ka sahaara liye hue

    mere liye firaq ki shab bhi hai tabnak

    phirta hun sham'-e-dagh-e-tamanna liye hue

    dekhe wo tujh ko kya jo teri bazm-e-naz mein

    baiTha ho chashm-e-shauq ka parda liye hue

    hum tajdar-e-'ishq hain duniya se kaam kya

    duniya ke log hain gham-e-duniya liye hue

    'sabir' wo be-niyaz-e-tamanna rahen to kya

    jab main hun e'tibar-e-tamanna liye hue

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning
    Speak Now