Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

عشق کی مار بڑی دردیلی عشق میں جی نہ پھنسانا جی

گنیش بہاری طرز

عشق کی مار بڑی دردیلی عشق میں جی نہ پھنسانا جی

گنیش بہاری طرز

MORE BYگنیش بہاری طرز

    عشق کی مار بڑی دردیلی عشق میں جی نہ پھنسانا جی

    سب کچھ کرنا عشق نہ کرنا عشق سے جان بچانا جی

    وقت نہ دیکھے عمر نہ دیکھے جب چاہے مجبور کرے

    موت اور عشق کے آگے تو کوئی چلے نہ بہانہ جی

    عشق کی ٹھوکر موت کی ہچکی دونوں کا ہے ایک اثر

    ایک کرے گھر گھر رسوائی ایک کرے افسانہ جی

    عشق کی نعمت پھر بھی یارو ہر نعمت پر بھاری ہے

    عشق کی ٹیسیں دین خدا کی عشق سے کیا گھبرانا جی

    عشق کی نظروں میں سب یکساں کعبہ کیا بت خانہ کیا

    عشق میں دنیا عقبیٰ کیا ہے کیا اپنا بیگانہ جی

    راہ کٹھن ہیں پی کے نگر کی آگ پہ چل کر جانا ہے

    عشق ہے سیڑھی پی کے ملن کی جو چاہے تو نبھانا جی

    طرزؔ بہت دن جھیل چکے تم دنیا کی زنجیروں کو

    توڑ کے پنجرہ اب تو تمہیں ہے دیس پیا کے جانا جی

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    بولیے