ایک چنگاری کو ایسے وہ ہوا دیتا تھا

ایک چنگاری کو ایسے وہ ہوا دیتا تھا

آگ کے بننے سے پہلے ہی بجھا دیتا تھا

اس طرح سے وہ چراغوں کو سزا دیتا تھا

صبح ہوتے ہی انہیں روز جلا دیتا تھا

جیسے ہی کوئی نیا خواب سجاتا تھا میں

لمس تیرا مجھے نیندوں سے جگا دیتا تھا

پوچھیے مت کوئی حد میرے تعلق کی اب

میرا تو حال وہ آنکھوں سے بتا دیتا تھا

تنہا رہنے کا اسے شوق لگا تھا ایسا

روز پیڑوں سے پرندوں کو اڑا دیتا تھا

کاٹتا تھا وہ اندھیروں میں جو ٹہنی ہر شب

ان کو پھلنے کی اجالوں میں دعا دیتا تھا

آئنہ جھوٹ نہیں بولتا تھا پہلے کبھی

کس کی دستار گرے گی یہ بتا دیتا تھا