ہے منور شب کی تاریکی میں اک تارا کہیں

ہے منور شب کی تاریکی میں اک تارا کہیں

ہے یقیں مل جائے گا ہم کو وہ دوبارا کہیں

مضمحل جب آسماں کے سارے تارے ہو گئے

کیسے چمکے گا بھلا اب کوئی سیارہ کہیں

ہیں جو دل پر حسرتوں کی اور غموں کی گٹھریاں

مر نہ جائے ڈھوتے ڈھوتے بوجھ بے چارہ کہیں

گر ہوا بھرنی ہے بھریے آپ لیکن سوچ کر

منہ پہ پھٹ جائے نہ یہ لالچ کا غبارہ کہیں

دے سکوں دل کو ذرا جو قلب کو دے سوز بھی

جانے کیوں ملتا نہیں اب ایسا نظارہ کہیں

ہے یہاں پر کون اس سا دیکھیے شیریں سخن

مل نہیں سکتا کوئی فرحانؔ سا پیارا کہیں