محمد فرحان خان، تخلص فرحانؔ، 15 نومبر 1999ء کو جمشیدپور، جھارکھنڈ میں پیدا ہوئے۔ وہ نوجوان نسل کے ابھرتے ہوئے شاعر ہیں اور شعر و ادب سے گہری وابستگی رکھتے ہیں۔ معروف شاعر گوہر عزیز کے شاگرد ہیں۔ ادارۂ "دبستانِ جمشیدپور" کے جنرل سیکریٹری کی حیثیت سے ادبی سرگرمیوں میں فعال کردار ادا کر رہے ہیں۔ ان کا کلام مختلف ادبی حلقوں میں پذیرائی حاصل کر چکا ہے، ان کا کلام سہ ماہی رسالہ "جدید فکر و فن" (بھاشا سنسکرتی وبھاگ، ہماچل پردیش) میں بھی شائع ہو چکا ہے۔ شاعری ان  کا محبوب مشغلہ ہے اور وہ مسلسل تخلیقی سفر میں مصروف ہیں۔