مرے دل کو میسر ہوگی تنہائی تو کیا ہوگا
مرے دل کو میسر ہوگی تنہائی تو کیا ہوگا
اگر واپس نہ آئے گا وہ ہرجائی تو کیا ہوگا
مرے اشعار اہل انجمن کے پیش خدمت ہیں
نہیں ہوگی اگر میری پذیرائی تو کیا ہوگا
مناظر خوب دل کش ہیں نظر میں آپ کی لیکن
چلی جائے گی جب آنکھوں کی بینائی تو کیا ہوگا
سر و سامان لے کر ہم چلے آئے ہیں جنگل میں
اگر ہم کو نہ آئی راس تنہائی تو کیا ہوگا
بڑی مشکل سے میں نے زندگانی کی حفاظت کی
مصیبت پھر مرے گھر تک چلی آئی تو کیا ہوگا
گریباں چاک اپنا سی چکے عدنانؔ ہم کب کا
اگر اس شوق نے لی پھر سے انگڑائی تو کیا ہوگا
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
Click on any word to get its meaning
